Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

ARIA 15, 2012
IYẸRẸ AKPỌ-SOSO

Ma Ru Oria Evuẹ Itanẹte Mai Woma Vi Epaọ Ọsosuọ No

Ma Ru Oria Evuẹ Itanẹte Mai Woma Vi Epaọ Ọsosuọ No

Anwọ emerae jọ ze na, Isẹri Jihova nọ i bu te udhuvẹ evaọ obọ New York a bi ru iruo kugbe ẹko-iruo Ebe-Ikere gbe ẹko-iruo Iwoho, re a ru oria evuẹ Itanẹte ọ www.jw.org na fihọ epanọ u re ro si urru gbe epanọ ahwo a sae rọ jariẹ no oria ruọ oria lọlọhọ ẹkwoma ekọmputa hayo ifonu. Ofariẹ, u wo ẹjiroro ivẹ nọ a rọ jọ oria evuẹ itanẹte na ru inwene. Ẹjiroro ivẹ na họ:

1. Re ma ru eria evuẹ Itanẹte mai kpobi fihọ ọvo. Isẹri Jihova a gwọlọ ru eria evuẹ Itanẹte esa nọ a wo na fihọ ọvo, oye họ www.jw.org. Ma gbẹ te rọ oria evuẹ www.watchtower.org gbe www.jw-media.org ro ru iruo ho. Eria evuẹ Itanẹte nọ a kugbe ọvo na u ti ru nọ ohwo kpobi nọ ọ gwọlọ riẹ kpahe Isẹri Jihova hayo gwọlọ evuẹ mi ai ọ te rọ jọ oria ovo ruẹ evuẹ itieye na. Wọhọ oriruo, whọ sai se, gaviezọ kẹ, hayo printi eria Ebaibol nọ whọ gwọlọ gbe ebe mai evaọ evẹrẹ buobu.

2. Re ma fi evuẹ efa bae. A wariẹ fi evuẹ efa họ oria evuẹ Itanẹte nana, yọ whọ rẹ jariẹ ruẹ iyo enọ Ebaibol, a tẹ jẹ jariẹ ta kpahe iruo usiuwoma ota na, iwou ogha, Egwa Uvie, gbe ikokohọ ubrotọ Isẹri Jihova. Whọ rẹ jọ oria “Iyẹrẹ” na ruẹ eware nọ e be via nọ i kpomahọ Isẹri Jihova evaọ akpọ na soso. U te je wo eria nọ a ru kẹ iviuwou, izoge, gbe emaha.

Kẹdẹ kẹdẹ, idu ahwo buobu a be jọ oria evuẹ Itanẹte nana se ebe Isẹri Jihova evaọ evẹrẹ nọ i bu te egba ene gbe ọgba (430). Ahwo nana a be hae jọ oria evuẹ na rehọ ikporakporo, ividio obọ rọ t’ẹme gbe ebe nọ a ru fihọ EPUB, PDF nọ e joma bu te idu egba isoi (500,000). Yọ kẹdẹ kẹdẹ, ahwo nọ a bu te udhusoi (100) a rẹ yare uwuhrẹ Ebaibol.