Kpohọ eme nọ e riẹ eva

Erae nọ e be to evaọ ukoliko Sicily, Italy. Uwoho osese na: Itho nọ i je kie evaọ oso-itho nọ ọ rrọ evaọ ofẹ ẹkpẹlobọ ovatha-ọre Italy

ARIA 4, 2023
ITALY

Erae gbe Oso-Itho E Raha Eware Evaọ Ofẹ Ẹkpẹlobọ Ovatha-Ọre Italy gbe Ukoliko Sicily

Erae gbe Oso-Itho E Raha Eware Evaọ Ofẹ Ẹkpẹlobọ Ovatha-Ọre Italy gbe Ukoliko Sicily

Evaọ edẹ 22 rite edẹ 26 Ahrẹ, 2023, eware okpẹtu ivẹ e raha eware gaga evaọ orẹwho Italy. Evaọ ofẹ ẹkpẹlobọ ovatha-ọre Italy, ofou o fou gaga yọ oso-itho ọ rrọ. Itho na jọ e kẹre vi evabọ. Evaọ oke ovona, erae e to evaọ eria nọ i bu vi egba esa gbe ọgba (330) evaọ ukoliko Sicily. Ẹrrorro ọ jọ gaga evaọ ukoliko na, yọ onana u ru nọ erae na i je ro vo no oria ruọ oria ababọ okioraha. Fiki onana, iwou ahwo buobu e to, yọ eware ẹlẹtriki e raha fikiere ahwo buobu a gbe wo ikpẹ hẹ. Ahwo buobu a kwa no iwou rai, yọ imasoi a whu.

Epanọ Eware Inievo Mai E Raha Te

Oso-Itho gbe Ofou Ọgaga nọ E Raha Eware Evaọ Ofẹ Ẹkpẹlobọ Ovatha-Ọre Italy

  • Oniọvo mai ọvuọvo o whu hu

  • Inievo-emezae ivẹ mai a nwoma

  • Iwou inievo mai ọgbagbezeza e raha gaga

  • Iwou inievo mai egba ivẹ gbe udhuvẹ gbivẹ (242) e raha omojọ

  • Ọgwa Uvie jọ ọ raha gaga

  • Egwa Uvie ikpegbivẹ e raha omojọ

Erae nọ E To Evaọ Ukoliko Sicily

  • O da omai gaga nọ oniọvo jọ avọ aye riẹ a whu nọ erae e to uwou rai muotọ

  • Inievo emezae gbe erọ emetẹ udhuvẹ gbe eree a kwa no iwou rai

  • Ọgwa Uvie hayo Ọgwa Okokohọ mai ọvuọvo ọ raha ha

Iruo Ogbodhẹ

  • Esẹro okogho gbe ekpako ukoko nọ e rrọ oria nọ erae e jọ to evaọ Sicily, gbe oria nọ oso-itho ọ jẹ rrọ evaọ ofẹ ẹkpẹlobọ ovatha-ọre Italy na, a be rọ Ẹme Ọghẹnẹ tuduhọ inievo na awọ, jẹ kẹ ae eware efa nọ a gwọlọ

  • A rehọ Ogbẹgwae Ogbodhẹ ọvo mu evaọ Sicily re o rẹrote iruo ogbodhẹ evaọ ukoliko na

O da omai gaga inọ oniọvo mai jọ avọ aye riẹ a whu evaọ Sicily. Ma be lẹ roro ahwo kpobi nọ okpẹtu na o te oma. Ma bi rẹro oke nọ Ọghẹnẹ o ti ro si eware kpobi nọ e be wha uye-oruẹ ze notọ.—Eviavia 21:4.