Kpohọ eme nọ e riẹ eva

AZIE 18, 2023
HONG KONG

Okposo nọ Ọ Rrọ Ọ Lẹliẹ Ame Ku Okpẹwho Hong Kong

Okposo nọ Ọ Rrọ Ọ Lẹliẹ Ame Ku Okpẹwho Hong Kong

No edẹ 7 rite 8 Azie, 2023, okposo nọ ọ rrọ ọ lẹliẹ ame ku okpẹwho Hong Kong. Evaọ euwa 24 ọvo, oso nọ u fo nọ ọ rẹ rrọ evaọ emerae esa soso ọye ọ rrọ evaọ okpẹwho Hong Kong. Ofariẹ, evaọ oka nọ o vrẹ, ofou ọwhibo nọ a se Super Typhoon Saola o fou ofou jẹ rrọ oso gaga, yọ ọ raha eware ahwo egọmeti gbe ahwo ẹwho na. Okposo na ọ lẹliẹ ame ku oria kpobi, jẹ lẹliẹ ẹkpẹ bru fihọ eria buobu. Iwou ahwo gbe eware egọmeti e raha gaga evaọ Hong Kong. Ahwo buobu a nwoma yọ ibuobu a kwa no iwou rai no.

Epanọ Eware Inievo Mai E Raha Te

  • O da omai gaga nọ oniọvo-ọmọzae mai jọ o whu evaọ ame nọ o ku na

  • Uwou oniọvo mai jọ ọ raha omojọ

  • Ọgwa Uvie ọvuọvo ọ raha ha

Iruo Ogbodhẹ

  • Ekpako ukoko nọ e rrọ oria nọ oware na o jọ via na a be rọ Ẹme Ọghẹnẹ tuduhọ inievo na awọ je fiobọhọ kẹ ae

O da omai gaga nọ oniọvo-ọmọzae mai na o whu. Ma bi rẹro okenọ “Ọghẹnẹ omosasọ” na o ti ro ru nọ eware okpẹtu e te gbẹ rọ via ha.​—2 Ahwo Kọrint 1:3.