Kpohọ eme nọ e riẹ eva

Ofou ọwhibo nọ a se Idalia na ọ raha eware gaga evaọ eria buobu evaọ Florida, U.S.A.

AZIE 7, 2023
IYẸRẸ AKPỌ SOSO

Ofou Ọwhibo nọ A Se Idalia O Fou Evaọ Ofẹ Ukiediwo-Ọre Cuba gbe Obọze Ovatha-Ọre United States

Ofou Ọwhibo nọ A Se Idalia O Fou Evaọ Ofẹ Ukiediwo-Ọre Cuba gbe Obọze Ovatha-Ọre United States

Evaọ edẹ 29 Aria, 2023, ofou ọwhibo nọ a se Idalia o fou evaọ ofẹ ukiediwo-ọre Cuba nọ ọ rrọ ubrotọ Pinar del Río. Oso ọ rrọ gaga, yọ o fou ofou gaga re. Kẹsena ofou na ọ tẹ ga viere te epanọ ọ sai ro fou idhe uwou no je wiri ire. Evaọ edẹ 30 Aria, 2023, ofou ọwhibo na o te fou te obọ Keaton Beach, nọ ọ rrọ Gulf Coast evaọ Florida, U.S.A. Uwhremu na, ofou Idalia o te kpotọ omojọ, rekọ ọ jẹ rrọ oso gaga, eria buobu i ku ame, yọ ikpẹ i fu evaọ eria buobu evaọ Florida, Georgia, North Carolina, gbe South Carolina.

Epanọ Eware Inievo Mai E Raha Te

Cuba

  • Oniọvo mai ọvuọvo o whu hu

  • Owhowho-uvie jọ ọ kwa no uwou riẹ

  • Uwou ọvo ọ raha muotọ

  • Iwou ikpegbivẹ e raha omojọ

United States

  • Oniọvo mai ọvuọvo o whu hu

  • Owhowho-uvie ọvo ọ nwa oma omojọ

  • Iwhowho-uvie odu ọvo gbe egba ivẹ gbe udhone gbe ikpegbihrẹ (1,297) a kwa no iwou rai

  • Iwou ene e raha muotọ

  • Iwou ikpegbivẹ e raha gaga

  • Iwou udhosa gbe ọvo e raha omojọ

  • Ọgwa Uvie ọvo ọ raha gaga

  • Egwa Uvie esa e raha omojọ

Iruo Ogbodhẹ

  • Evaọ Cuba gbe United States, ekpako ukoko gbe esẹro okogho nọ e rrọ oria nọ oware na o jọ via na, a be rọ Ẹme Ọghẹnẹ tuduhọ inievo na awọ je fiobọhọ kẹ ae

Ma riẹ nọ Jihova o ti gbe fiobọhọ kẹ inievo mai nọ ofou ọwhibo ọ raha eware rai na.—Aizaya 63:9.