Kpohọ eme nọ e riẹ eva

Uwoho otọ Ramapo na kpobi. Oria nọ a ko ire no na u bi dhesẹ oria nọ a te bọ uwou na fihọ. Uwoho ọsese na: Ohwo jọ nọ ọ be rọ imotosọ bru ire

AZEZA 6, 2023
IYẸRẸ AKPỌ SOSO

Iruo Ebabọ Ramapo

A Gbẹ be Ruẹrẹ Otọ Ramapo na Họ kẹ Ebabọ

A Gbẹ be Ruẹrẹ Otọ Ramapo na Họ kẹ Ebabọ

Evaọ ẹdẹ ọsosuọ amara Azeza, 2023, ẹko-iruo nọ a re se New York State Department of Environmental Conservation o kẹ udu inọ a sae kwa ire nọ a ko fihọ otọ Ramapo na no. A kaki ko ire nọ e jọ otọ na yọ a ku iruo na họ evaọ ẹdẹ 18 amara Asa, eka ivẹ taure oke nọ egọmeti o fihọ nọ a re ro ko ire o te ti kuhọ.

Oniọvo-ọmọzae jọ nọ a re se Robert McRedmond, ọnọ o bi koko iruẹru ogbẹgwae ebabọ Ramapo na họ (Construction Project Committee), ọ ta nọ: “Ma ruẹ nọ evaọ iruo ebabọ ulogbo utionana, oke kpobi nọ a tẹ kẹ omai obe jọ hayo kuenu kẹ omai evaọ oware jọ, u dhesẹ nọ oke nọ a ti ro mu ebabọ na họ o be kẹle no. Jihova o si eware buobu nọ e hae te jọ awhaha no kẹ omai, yọ ma riẹ nọ o ti si ebẹbẹ efa notọ kẹ omai evaọ obaro.”—Aizaya 57:14.

Inievo nọ e rrọ ogbẹgwae Construction Project Committee (CPC) na a gbe bi lele ahwo egọmeti ta ẹme re a sai kuenu kẹ omai re ma mu ebabọ na soso họ.