Kpohọ eme nọ e riẹ eva

Eme Me re Ru Otẹrọnọ Mẹ be Sae Siọ Ifoto Ẹbẹba Ba Eriwi Hi?

Eme Me re Ru Otẹrọnọ Mẹ be Sae Siọ Ifoto Ẹbẹba Ba Eriwi Hi?

Oware nọ whọ rẹ sai ru

 Vuhu oware nọ ifoto ẹbẹba o rrọ mu. Ifoto ẹbẹba u re si ọghọ no oware nọ Ọghẹnẹ ọ ma ziezi no. Ma te vuhu onana mu u ti fi obọ họ kẹ omai “mukpahe eyoma.”—Olezi 97:10.

 Roro kpahe uye nọ u re noi ze. Ifoto ẹbẹba i re ru ahwo nọ a jọ eva rai dhesẹ na kuẹku. Ifoto ẹbẹba i re je si ọghọ no ohwo nọ o bi rri rai oma. Ebaibol na ọ ta vevẹ inọ: “Ohwo owareghẹ ọ ruẹ ese o re siomano, rekọ ogbori o re zue ruẹe, ọ vẹ ruẹ uye riẹ.”—Itẹ 22:3.

 Wo Ọtamuo. Job, ọzae ẹrọwọ na ọ ta nọ: ‘Me duwu aro mẹ iyeri no, kẹvẹ ọmọtẹ o gbe ro si omẹ uru?’ Job 31:1. Gbaemu nọ who re ru eware nọ e rrọ obotọ na:

  •  Mẹ te rehọ Itanẹte ruiruo ho nọ mẹ ọvo ọ tẹ rrọ oria.

  •  Me ti furie oria Itanẹte kpobi nọ u bi dhesẹ ifoto ẹbẹba no ababọ oke oraha.

  •  Mẹ te ta eva kẹ ogbẹnyusu nọ me fievahọ nọ mẹ tẹ wariẹ rri ifoto ẹbẹba.

Ifoto ẹbẹba iriwo o rẹ reria obọ—epanọ ohwo o rri rai te ere o bẹ te re ọ siọ uruemu na ba

 Lẹ kpahe iẹe. Ọso-ilezi na ọ lẹ se Jihova inọ “Si aro mẹ no eware ifofe iriwo.” (Olezi 119:37) Ọghẹnẹ ọ gwọlọ nọ whọ whaha ifoto ẹbẹba iriwo, yọ whọ tẹ lẹ sei, ọ te kẹ owhẹ ẹgba nọ who ti ro ru oware nọ u woma.—Ahwo Filipai 4:13.

 Ta eva kẹ ohwo jọ. Nọ whọ tẹ ta eva kẹ ohwo jọ nọ who fievahọ, u ti fi obọ họ kẹ owhẹ siọ uruemu na ba.—Itẹ 17:17.

 Kareghẹhọ onana: Ẹsikpobi nọ whọ tẹ whaha eriwo ifoto ẹbẹba, yọ who wo obokparọ ulogbo jọ no. Lẹ se Jihova kpahe obokparọ nana je yere iei kẹ ẹgba nọ ọ kẹ owhẹ. Nọ whọ tẹ whaha ifoto ẹbẹba iriwo, eva e rẹ were Ọghẹnẹ.—Itẹ 27:11.