Kpohọ eme nọ e riẹ eva

Udhedhẹ Akpọ-Soso—Ẹvẹ A Gbẹ be Sai ro Woi Hi?

Udhedhẹ Akpọ-Soso—Ẹvẹ A Gbẹ be Sai ro Woi Hi?

Uyo nọ Ebaibol na ọ kẹ

 Ahwo-akpọ a daoma gaga no re a wha udhedhẹ ze rekọ a re sai woi t’obọ họ, yọ a te sai woi t’obọ vievie he fiki eware nọ ma jọ obotọ fodẹ na:

  •   “Ohwo o wo ogaga nọ o ro su oma obọ riẹ hẹ.” (Jerimaya 10:23) Ọghẹnẹ ọ ma ohwo-akpọ re o su omobọ riẹ hẹ, fikiere a sae wha udhedhẹ ze he.

  •   “Who fi eva ra họ emọ ivie he hayo ọmọ ohwo ho, keme a wo obọufihọ họ. Keme nọ ẹwẹ riẹ o re no, o ve zihe kpo ẹkpẹ, evaọ ẹdẹọvo ọyena, oma iruo riẹ kpobi ovẹ raha.” (Olezi 146:3, 4) Isu ahwo-akpọ a rẹ sai si ẹmo no otọ riẹriẹriẹ hẹ, makọ enọ i wo emamọ eva.

  •   “Eva edẹ urere oke ẹbẹbẹ te tha, keme ahwo a re ti [wo] ofu-ọkpoo, a re mukpahe ahwo ezi, otu ovivie, avọ uzou-uveghe, otu okpiro.” (2 Timoti 3:1–4) “Edẹ urere” erọ uyerakpọ omuomu nana ma rrọ na, yọ uruemu ahwo buobu u bi si udhedhẹ no akpọ na.

  •   “O da omẹ kẹ owhai, o akpọ gbe abade, keme ukumuomu na ọ rehọ ofu ọgaga bru owhai ze, keme ọ riẹ nọ oke riẹ o re kpẹkpẹre.” (Eviavia 12:12) A le Ẹdhọ nọ ọ rrọ ọwegrẹ Ọghẹnẹ na ziọ obọ otọakpọ obonẹ no, yọ o bi ru ahwo dhesẹ iruemu iyoma. Nọ ọ gbẹ rrọ “ọgba akpọ na,” hayo osu akpọ na, ma rẹ sai wo udhedhẹ hẹ.—Jọn 12:31.

  •   “[Uvie Ọghẹnẹ o] rẹte whọlọ ivie na kpobi ọ vẹte rehọ ai ze oba, ọ vẹte jọ bẹdẹ.” (Daniẹl 2:44) Uvie Ọghẹnẹ ọvo ọ te wha udhedhẹ ziọ akpọ na orọnikọ esuo ohwo-akpọ jọ họ.—Olezi 145:16.