Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Kọ Ọghẹnẹ O Wo Uzedhe Oria nọ Ọ be Rria?

Kọ Ọghẹnẹ O Wo Uzedhe Oria nọ Ọ be Rria?

Uyo nọ Ebaibol na ọ kẹ

Ee. Obọ odhiwu Ọghẹnẹ ọ be rria. Muẹrohọ eria Ebaibol nana:

Nọ Solomọn ovie na ọ jẹ lẹ, ọ ta nọ: “Yo evaọ obọ ẹria ẹkeria ra, evaọ obọ odhiwu.”—1 Ivie 8:43.

Jesu Kristi o wuhrẹ ilele riẹ re a lẹ nọ: “Ọsẹ mai nọ ọ rọ obọ odhiwu.”—Matiu 6:9.

Nọ Ọghẹnẹ ọ kpare Jesu no uwhu ze no, ọ tẹ “nya ruọ eva odhiwu . . . re ọ rehọ oma via eva obọ aro Ọghẹnẹ.”—Ahwo Hibru 9:24.

Eria Ebaibol nana i dhesẹ vevẹ nọ Jihova Ọghẹnẹ ọ rrọ gbe nnọ obọ odhiwu ọ be rria orọnikọ oria kpobi hi.