Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Kọ Eware Okpẹtu Yọ Uye nọ Ọghẹnẹ Ọ be Kẹ Ahwo?

Kọ Eware Okpẹtu Yọ Uye nọ Ọghẹnẹ Ọ be Kẹ Ahwo?

Uyo nọ Ebaibol na ọ kẹ

Ebaibol na ọ ta nọ orọnikọ Ọghẹnẹ ọ be wha eware okpẹtu nọ e be via nẹnẹ ze he. Oghẹrẹ nọ Ebaibol na ọ ta nọ ẹdhoguo Ọghẹnẹ o te jọ u wo ohẹriẹ no eware okpẹtu nọ e be via nẹnẹ.

  1. Ọghẹnẹ o re mu ahwo kpe he. Ebaibol na ọ ta nọ: “Eru oma ọye ohwo o re riwẹ, rekọ ỌNOWO na kọ obọ eva.”—1 Samuẹle 16:7.

  2. Jihova ọ rẹ riẹ oware nọ o rrọ udu ahwo yọ ahwo oyoma ọvo ọ rẹ raha.—Emuhọ 18:23-32.

  3. Ọghẹnẹ ọ rẹ kake vẹvẹ ahwo unu tao, re ahwo nọ a gaviezọ kẹe a ruẹse zọ.

Rekọ eware okpẹtu e rẹ via idudhe yọ i re kpe hayo nwa oghẹrẹ ahwo kpobi oma. Evaọ oghẹrẹ jọ, ahwo-akpọ ọvo a be so eware okpẹtu nọ e be via ẹkwoma okegbe na nọ a be raha, iwou nọ a be bọ fihọ eria nọ etọ e rẹ jọ nuhu gbe eria nọ ame o re ku hayo eria nọ eware okpẹtu efa e sae jọ via.