Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Fikieme A ro Se Jesu Ọmọ Ọghẹnẹ?

Fikieme A ro Se Jesu Ọmọ Ọghẹnẹ?

Uyo nọ Ebaibol na ọ kẹ

Ọghẹnẹ o wo aye nọ o yẹ emọ kẹe he. Rekọ ọye ọ ma eware kpobi. (Eviavia 4:11) Fikioye a ro se Adamu, ohwo ọsosuọ nọ Ọghẹnẹ ọ ma “ọmọ Ọghẹnẹ.” (Luk 3:38) Epọvo na, Ebaibol na o wuhrẹ nọ Ọghẹnẹ ọ ma Jesu. Oyejabọ nọ a ro se Jesu “Ọmọ Ọghẹnẹ.”—Jọn 1:49.

Ọghẹnẹ ọ ma Jesu no taure ọ tẹ te ma Adamu. Pọl ukọ na o kere kpahe Jesu nọ: “[Ọye họ] uwoho Ọghẹnẹ nọ a rẹ ruẹ hẹ na, ọnọ ọ rọ ọtuyẹ evaọ emama kpobi.” (Ahwo Kọlọsi 1:15) Jesu ọ jọ obọ odhiwu ikpe buobu no taure a te ti yẹe evaọ uwou erao obọ Bẹtlẹhẹm. Ebaibol na ọ tubẹ ta nọ “otọhọotọ riẹ o rọ anwẹdẹ, ri no anwae ze.” (Maeka 5:2) Jesu họ Ọmọ ọsosuọ Ọghẹnẹ, yọ ọ jọ omama ẹzi evaọ obọ odhiwu taure a te ti yẹi evaọ otọakpọ. Jesu ọ ta nọ: “Me no obọ odhiwu ze.”—Jọn 6:38; 8:23.