Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Kọ Ma Sae Ginẹ Riẹ Ahwo nọ A Kere Ebaibol Na?

Kọ Ma Sae Ginẹ Riẹ Ahwo nọ A Kere Ebaibol Na?

Uyo nọ Ebaibol na ọ kẹ

Ahwo jọ a rẹ ta nọ ma sae riẹ ahwo nọ a kere Ebaibol na ha. Rekọ a jọ Ebaibol na fodẹ ahwo nọ a kere eria buobu evaọ eva riẹ. Eria jọ evaọ Ebaibol na e rrọ eme itiena muhọ, “eme Nehemaya,” “eruẹaruẹ Aizaya,” gbe “ẹme ỌNOWO na nọ o bru Joẹl” ze.—Nehemaya 1:1; Aizaya 1:1; Joẹl 1:1.

Ahwo buobu nọ a kere Ebaibol na a ta vevẹ nọ Jihova, Ọghẹnẹ uzẹme na ọ kpọ rai. Eruẹaro nọ i kere Ikereakere Hibru na a ta unuẹse nọ u bu vi egba esa (300), inọ: “Enẹ ỌNOWO na ọ tae.” (Emọs 1:3; Maeka 2:3; Nahum 1:12) Ọghẹnẹ ọ rọ ijẹle ta ẹme kẹ amọfa nọ a kere Ebaibol na.—Zekaraya 1:7, 9.

Ahwo nọ a bu te 40 a kere Ebaibol na evaọ ikpe nọ i bu vi 1,600. Ahwo jọ a kere vrẹ obe ovo evaọ Ebaibol na. Evaọ uzẹme, ebe nọ e rrọ Ebaibol na i bu te 66. Ebe 39 e rrọ Ikereakere Hibru na, onọ a re se Ọvọ Anwae na, yọ ebe 27 e rrọ Ikereakere Griki na, onọ a re se Ọvọ Ọkpokpọ na.