Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Kọ Ọghẹnẹ Ọ Ginẹ Rrọ Manikọ Yọ Ẹgba Jọ Gheghe?

Kọ Ọghẹnẹ Ọ Ginẹ Rrọ Manikọ Yọ Ẹgba Jọ Gheghe?

Uyo nọ Ebaibol na ọ kẹ

Ọghẹnẹ o bi dhesẹ ẹgba ologbo riẹ via evaọ akpọ na soso. Ebaibol na ọ ta kpahe oghẹrẹ nọ Ọghẹnẹ ọ rọ ma isi buobu nọ ma rẹ sai kele mu hu na inọ: “Wha kpare aro rai kpo ehru re wha ri: ono ọ ma enana kpobi? [Ọnọ] ọ rehọ enana kpobi ọvuọvo ze, o je mu edẹ kẹ ai kpobi; fiki ẹgba ologbo riẹ, ọvuọvo o vo rie ei ẹro ho.”—Aizaya 40:25, 26.

Rekọ Ọghẹnẹ yọ ẹgba jọ gheghe he. Ebaibol na ọ ta nọ Ọghẹnẹ o wo iroro, ọ rẹ sai dhesẹ uyoyou, ọ rẹ sai je mukpahe. (Olezi 11:5; Jọn 3:16) Ebaibol na ọ tẹ jẹ ta nọ uruemu ahwo-akpọ o rẹ sai ru Ọghẹnẹ eva were hayo ru ei eva dha.—Olezi 78:40, 41.