Kpohọ eme nọ e riẹ eva

Kọ Wha Rọwo nọ Edẹ Ezeza Gheghe Ọghẹnẹ Ọ rọ Ma Eware?

Kọ Wha Rọwo nọ Edẹ Ezeza Gheghe Ọghẹnẹ Ọ rọ Ma Eware?

Ijo. Mai Isẹri Jihova ma rọwo dẹẹ inọ Ọghẹnẹ ọ ma eware kpobi. Rekọ ma rọwo vievie he inọ edẹ ezeza gheghe ọvo Ọghẹnẹ ọ rọ ma eware kpobi. Fikieme? Keme eware buobu nọ ahwo nọ a bi wuhrẹ uwuhrẹ nana a ta, e rọwokugbe oware nọ Ebaibol na ọ ta ha. Joma ta kpahe iriruo ivẹ jọ:

  1. Oghẹrẹ nọ edẹ ezeza emama na i theri te. Ahwo nọ a bi wuhrẹ ahwo uwuhrẹ nana a rẹ ta nọ, edẹ ezeza gheghe Ọghẹnẹ ọ rọ ma eware nọ e rrọ akpọ na soso. Rekọ evaọ Ebaibol na, ẹme na “ẹdẹ,” ọ sai dikihẹ kẹ etoke othethei.Emuhọ 2:4; Olezi 90:4.

  2. Epanọ akpọ na o kri te no. Ahwo nọ a bi wuhrẹ nọ edẹ ezeza ọvo Ọghẹnẹ ọ rọ ma akpọ na, a rẹ ta nọ akpọ mai na ọ re nwani kri te re he. Rekọ wọhọ epanọ Ebaibol na ọ ta, ehrugbakpọ na ọ kake jariẹ no oke krẹkri taure Ọghẹnẹ o te ti mu eware họ ẹma fihọ akpọ na. (Emuhọ 1:1) Fikiere Isẹri Jihova a rọwokugbe eware nọ egba-eriariẹ a kiẹ via, enọ i dhesẹ nọ akpọ na o kri te ikpe ima-idu buobu no.

Dede nọ mai Isẹri Jihova ma rọwo nọ Ọghẹnẹ ọ ma eware kpobi, ma rẹ rọwo eware nọ egba-eriariẹ a kiẹ via nọ e wọso Ebaibol na ha.