Emọ Izrẹl a ru iruo gaga jẹ raha igho buobu fihọ ebabọ etẹmpol na. Ghele na, a rọ oma kẹ iruo na avọ ọwhọ. (1Ir 29:2-9; 2Ir 6:7, 8) Nọ a bọ etẹmpol na re no, enọ i kru egagọ Ọghẹnẹ ga a jẹ rẹrote etẹmpol na, rekọ enọ i kruga ha a je ru ere he. (2Iv 22:3-6; 2Ir 28:24; 29:3) Evaọ oke mai na, Ileleikristi a be rọ oke gbe ẹgba rai rọ bọ Egwa Uvie gbe Egwa Okokohọ, be rẹrote ai, je ru ai fo. Re ma rọ oma kẹ iruo nana yọ uvẹ-ọghọ ulogbo keme Jihova ma bi lele ru iruo na, o tẹ jẹ rrọ abọjọ egagọ mai.—Ol 127:1; Ev 7:15.

MA SAI W’OBỌ EVAỌ IDHERE NANA . . .

  • Hwere Ọgwa Uvie na nọ ewuhrẹ o te kuhọ no. Otẹrọnọ fiki ẹbẹbẹ jọ whọ sai hwere he, daoma tọlọ erara nọ e rrọ oria nọ whọ keria kufiẹ.

  • Kuomagbe ukoko ra ru orufuọ gbe aruẹrẹ Ọgwa Uvie nọ wha re ru n’oke t’oke na. Nọ ahwo buobu a te kuobọgbe ru iruo na, o rẹ vẹrẹ jẹ wha evawere ze.—lv ẹwẹ. 92-93 edhe. 18.

  • Rọ ugho ru unevaze. Makọ unevaze ‘ibigho ivẹ nọ i wo emamọ aghare ọvo ho’ nọ a kẹ no eva ze, o rẹ were Jihova.—Mak 12:41-44.

  • Otẹrọnọ o sae lọhọ, fialoma via kẹ iruo ebabọ sa-sa gbe aruẹrẹ iwou ukoko na. Whọ gbẹ make riẹ uwou ẹbọ họ, whọ sae fialoma via ghele.