OWARE NỌ U RO WUZOU:

U fo re ma ku ame họ ibi uzẹme nọ ma kọ. (1Kọ 3:6) Ma tẹ nyaku ohwo nọ o dhesẹ isiuru, u re woma re ma nọ onọ jọ fihọ otọ nọ ma rẹ kuyo riẹ nọ ma te zihe. Onana u ti ru nọ ohwo na o ti ro rẹro mai, ma vẹ jẹ riẹ ẹme nọ ma te ta nọ ma te zihe. Ma te zihe bru rie, ma sae ta nọ ma zihe ze te kuyo onọ nọ ma nọ ẹdẹ na.

EPANỌ A RE RO RU EI:

  • Whọ tẹ be ruẹrẹ oma kpahe kẹ usiuwoma n’uwou ruọ uwou, ruẹrẹ onọ jọ họ nọ who ti gbolo fihọ otọ nọ u ti ru owhẹ zihe bru ohwo na oke ofa. O sae jọ onọ nọ a kuyo riẹ evaọ obe nọ whọ be rọ kẹ ahwo. Hayo o sae jọ onọ nọ a kuyo riẹ evaọ obe mai jọ nọ ma bi ro wuhrẹ ahwo, onọ who wo họ iroro nọ whọ te rọ kẹe nọ who te zihe.

  • Nọ who te bi ku ẹme họ kugbe ohwo nọ o dhesẹ isiuru, ta kẹe nọ o te were owhẹ re who zihe ze oke ofa, kẹsena whọ vẹ nọe onọ nọ whọ ruẹrẹ kpahe na. O tẹ lọhọ, mi ei adrẹse hayo inọmba ifonu riẹ.

  • Otẹrọnọ whọ ta kẹ ohwo na nọ who ti zihe bru rie oke ofa, zihe evaọ uzedhe oke nọ wha rọwo fihọ na.—Mt 5:37.