Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Azie 2016

 UZUAZỌ OLELEIKRISTI

Epanọ Ma Sai ro Wo Onaa Ziezi Evaọ Usiuwoma Ota—Tuduhọ Enọ I Wo Isiuru Awọ re A Ziọ Iwuhrẹ

Epanọ Ma Sai ro Wo Onaa Ziezi Evaọ Usiuwoma Ota—Tuduhọ Enọ I Wo Isiuru Awọ re A Ziọ Iwuhrẹ

OWARE NỌ U RO WUZOU: Iwuhrẹ e rẹ kẹ omai uvẹ nọ ma rẹ rọ so ile kẹ Jihova je jiri iei. (Ol 149:1) Ma rẹ jarai wuhrẹ epanọ ma re ro ru oreva Ọghẹnẹ. (Ol 143:10) Nọ enọ i wo isiuru gbe emọ iwuhrẹ Ebaibol a tẹ nwani mu iwuhrẹ họ ẹnyaze no, a ve mu ẹnyaharo họ ewo.

EPANỌ A RE RO RU EI:

  • Rọ ẹruoke zizie ai ziọ ewuhrẹ. Who du hẹrẹ bẹsenọ whọ rẹ to obe uwuhrẹ Ebaibol họ kugbe ai taure who te zizie ai hi.Ev 22:17

  • Ta eware nọ e te via gbe enọ a te jọ ewuhrẹ na ta kpahe kẹ ọnọ o wo isiuru na. Eware nọ e rẹ sai fiobọhọ kẹ owhẹ ru ere họ: obe uzizie rọkẹ iwuhrẹ ukoko, ividio Eme A rẹ Jọ Ọgwa Uvie Ru?, gbe ibroshọ na Oreva Jihova, uwuhrẹ avọ 5 gbe orọ avọ 7

  • Fiobọhọ kẹe. Kọ ohwo na ọ gwọlọ nọ a fiobọhọ kẹe te obọ Ọgwa Uvie, manikọ ọ gwọlọ nọ a lele iei salọ ewu nọ o ti kuhọ? Whẹ avọ iẹe wha gbẹ keria oria ovo, re wha gbe rri ebe nọ a ti wuhrẹ na kugbe. Dhesẹ iẹe kẹ inievo na