Kpohọ eme nọ e riẹ eva

Kpohọ oria izoẹme

 UZUAZỌ OLELEIKRISTI

Epanọ Whọ Sai ro Wo Erere no Uwuhrẹ Omobọ Ra Ze

Epanọ Whọ Sai ro Wo Erere no Uwuhrẹ Omobọ Ra Ze

OWARE NỌ U RO WUZOU: Nọ ohwo ọ tẹ be rọ Ẹme Ọghẹnẹ wuhrẹ omobọriẹ, u re fiobọhọ kẹe “wo otoriẹ okẹkẹe gbe uthethei gbe ekpehru gbe ekodo” uzẹme na ziezi. (Ẹf 3:18) U re fiobọhọ kẹ omai kare epe jẹ kare afuẹwẹ evaọ akpọ omuomu nana je ru nọ ma re ro “kru ẹme uzuazọ na gaga ziezi.” (Fil 2:​15, 16) Ewuhrẹ omobọ ohwo o re ru nọ whẹ ọvo whọ rẹ rọ salọ oware nọ o were owhẹ ro ru uwuhrẹ na. Re ma sai wo erere ziezi no oke nọ ma bi ro se je wuhrẹ Ebaibol na ze, eme ma re ru?

EPANỌ A RE RO RU EI:

  • Kpoka hayo fi ekọlọ họ owọ Ebaibol je kere eme fihọ akotọ Ebaibol ra, te ọnọ ọ rrọ evaọ ifonu hayo etablẹte ra nọ who te bi ru uwuhrẹ omobọ ra

  • Nọ omara enọ nana nọ who te bi se Ẹme Ọghẹnẹ: ‘Ono? Eme? Oke vẹ? Diẹse? Fikieme? Oghẹrẹ vẹ?’

  • Daoma riẹ uzẹme oware nọ who bi wuhrẹ. Rehọ eware nọ who wo ro ru ekiakiẹ, kiẹ uzoẹme hayo owọ Ebaibol riwi

  • Roro kpahe eware nọ who se re whọ riẹ epanọ whọ sai ro fi ai họ iruo

  • Kẹdẹ kẹdẹ hai ru eware nọ who bi wuhrẹ na evaọ uzuazọ ra.​—Luk 6:​47, 48

WHA RRI IVIDIO NA “KRU ẸME UZUAZỌ NA GAGA ZIEZI”​—ẸKWOMA EMAMỌ UWUHRẸ OMOBỌ OHWO, KẸSENA WHA VẸ KIYO ENỌ NANA:

  • Ẹvẹ inievo jọ a dhesẹ epanọ uwuhrẹ omobọ ohwo o rrọ?

  • Fikieme u ro woma re ma lẹ tao re ma te ti mu uwuhrẹ na họ?

  • Eme o re fiobọhọ kẹ omai wo otoriẹ oria Ebaibol nọ ma se?

  • Eware jọ vẹ ma rẹ sai fihọ Ebaibol nọ ma bi ro ru uwuhrẹ mai?

  • Fikieme u ro woma re ma roro kpahe eware nọ ma be jọ Ẹme Ọghẹnẹ wuhrẹ?

  • Ẹvẹ u fo nọ ma ru eware nọ ma wuhrẹ?

“Uzi ra o were omẹ kẹhẹ! Mẹ rẹ romatotọ roro kpahe iẹe ẹsikpobi.”​—Ol 119:97