Joshua avọ Solomọn a ta vevẹ inọ eyaa kpobi nọ Jihova ọ ya, ọvuọvo nọ o rugba ha ọ riẹ hẹ. (Jos 23:14; 1Iv 8:56) Isẹri nọ imava nana a se na e rẹ bọ ẹrọwọ nọ ma wo kpahe eyaa Ọghẹnẹ ga.​—2Kọ 13:1; Tai 1:2.

Ẹvẹ Jihova o ro ru eyaa riẹ gba evaọ oke Joshua? Whẹ avọ uviuwou ra wha rri ividio na ‘Eme Riẹ Kpobi I Rugba.’ Kẹsena wha vẹ kiyo enọ nana: (1) Ẹvẹ whọ sae rọ rehọ aro kele ẹrọwọ Rehab? (Hib 11:31; Jem 2:​24-26) (2) Ẹvẹ oriruo Ekan o ro dhesẹ nọ ohwo ọ tẹ rọ aro koko raha uzi o rẹ wha uye ze? (3) Dede nọ ezae Gibiọn yọ egbaẹmo, fikieme a rọ lẹliẹ Joshua họ je ru udhedhẹ kugbe ahwo Izrẹl? (4) Ẹvẹ ẹme Jihova o ro rugba okenọ ivie isoi ahwo Amọ a je guegue Izrẹl? (Jos 10:​5-14) (5) Ẹvẹ Jihova o ro fiobọhọ kẹ owhẹ no fikinọ whọ be kake gwọlọ Uvie Ọghẹnẹ gbe ẹrẹreokie riẹ evaọ uzuazọ ra?​—Mt 6:33.

Nọ ma te roro didi kpahe eware nọ Jihova o ru no, enọ o bi ru enẹna, gbe enọ o ti ru evaọ obaro, ẹrọwọ nọ ma fihọ eyaa riẹ ọ rẹ ga viere.​—Rom 8:31, 32.

Kọ who wo ẹrọwọ wọhọ Joshua?