Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Ava 2017

 EWARE AGHAE NỌ E RRỌ EBAIBOL NA | AIZAYA 58-62

“Woro Ukpe Aruoriwo ỌNOWO Na”

“Woro Ukpe Aruoriwo ỌNOWO Na”

“Ukpe aruoriwo ỌNOWO na” orọnọ ukpe jọ dẹẹ hẹ

61:1, 2

  • Oke nana yọ etoke nọ Jihova ọ kuvẹ riẹ re ahwo evezi a sae jẹ usiuwoma na rehọ re a no igbo iwuhrẹ erue

  • Evaọ ikpe-udhusoi ọsosuọ, ukpe aruoriwo na u muhọ nọ Jesu o mu usiuwoma riẹ họ evaọ ukpe 29 C.E. rite “ẹdẹ orukele” Jihova evaọ okenọ a raha Jerusalẹm evaọ 70 C.E.

  • Evaọ oke mai na, ukpe aruoriwo na u muhọ evaọ 1914 nọ a rehọ Jesu mu ovie no evaọ obọ odhiwu, yọ u ti kuhọ evaọ etoke uye ulogbo na

Jihova ọ rehọ “ire-ọkaa [ire ilogbo] ẹrẹreokie” ghale ahwo riẹ

61:3, 4

  • Ire nọ e mai theri evaọ akpọ na e rẹ rro kugbe evaọ owhawho, keme e rẹ tha ohwohwo

  • Awọ ire ilogbo e rẹ ta ruọ ohwohwo nọ i re fiobọhọ kẹ ae dikihẹ ga kẹ ifou egaga

  • Ire ithethe e rẹ thọ imire esese na, ebe rai nọ i bi kie fihotọ na e rẹ lẹliẹ ẹkpẹ otọ na woma

Inievo kpobi nọ e rrọ ukoko Ileleikristi evaọ akpọ na soso a bi wo erere no uketha gbe obufihọ nọ “ire-ọkaa [ire ilogbo] ẹrẹreokie,” koyehọ Ileleikristi nọ a rọ ẹzi wholo na a be kẹ