Kpohọ eme nọ e riẹ eva

Kpohọ oria izoẹme

 WO ONAA ZIEZI EVAỌ USI UWOMA OTA NA | WO OGHỌGHỌ ZIEZI EVAỌ USI UWOMA OTA NA

Rọ Ọwhọ Wuhrẹ Ahwo

Rọ Ọwhọ Wuhrẹ Ahwo

Nọ ma tẹ be ta ẹme avọ ọwhọ u re fi ajọwha họ amọfa oma. U re ru nọ ahwo nọ ma be ta ẹme kẹ a sae rọ gaviezọ kẹ omai ziezi. U re je dhesẹ nọ ma rri ẹme nọ ma be ta na ghaghae. Ghelọ oghẹrẹ oria nọ ma no ze hayo oghẹrẹ ohwo nọ ma rrọ kẹhẹ, ma rẹ sae ta ẹme avọ ọwhọ. (Rom 12:11) Ẹvẹ ma sai ro ru onana?

Orọ ọsosuọ, roro kpahe epanọ ovuẹ ra na u wuzou te. Uvẹ ọghọ ulogbo o rrọ nọ whọ be rọ “ta usi uwoma orọ emamọ eware!” (Rom 10:15) Orọ avivẹ, roro didi kpahe epanọ emamọ usi na o sai ro fiobọhọ kẹ ahwo nọ a be gaviezọ kẹ owhẹ yeri emamọ uzuazọ. O gwọlọ nọ a re gine yo usi uwoma nọ whọ be ta na. (Rom 10:​13, 14) Orọ urere, ta ẹme avọ ajọwha, re whọ jẹ rọ abọ gbe omara soso ta ẹme wọhọ epaọ ẹkoma ẹmeọta ra jẹ jọ sasasa.

WHA RRI IVIDIO NA WO OGHỌGHỌ NỌ U RE NO ILELE-IRUO ZE​—RU ONAA EWUHRẸ RA WOMA VIERE​—RỌ ỌWHỌ WUHRẸ AHWO, KẸSENA WHA VẸ KIYO ENỌ NANA:

  • Eme o wha riẹ ze nọ ọwhọ nọ Neeta o je ro wuhrẹ Ebaibol kugbe Jade u ro kpotọ?

  • Eme o fiobọhọ kẹ Neeta wariẹ wo ọwhọ rọkẹ uwuhrẹ Ebaibol na?

  • Nọ ma te wo ọwhọ u re fi ajọwha họ amọfa oma

    Fikieme u ro fo re ma tẹrovi emamọ uruemu ahwo nọ ma bi wuhrẹ Ebaibol kugbe?

  • Ẹvẹ ọwhọ nọ ma wo o sai ro fiobọhọ kẹ emọ-uwuhrẹ Ebaibol mai gbe amọfa?