Kpohọ eme nọ e riẹ eva

Kpohọ oria izoẹme

 WO ONAA ZIEZI EVAỌ USI UWOMA OTA NA | WO OGHỌGHỌ ZIEZI EVAỌ USI UWOMA OTA NA

Dhesẹ Ọdawẹ

Dhesẹ Ọdawẹ

Ohwo nọ o wo ọdawẹ ọ rẹ daoma riẹ oghẹrẹ nọ eware e rrọ amọfa oma gbe eware nọ a gwọlọ re o fiobọhọ kẹ ae. Amọfa a rẹ riẹ nọ ma te wo ọdawẹ hayo ororokẹ kẹ ae. Nọ ma tẹ ginẹ gwọlọ fiobọhọ kẹ amọfa, ẹsiẹ ma sai ro dhesẹ ororokẹ hayo ọdawẹ kẹ ae. Fikiere, nọ ma tẹ be hai dhesẹ ororokẹ kẹ amọfa evaọ usi uwoma, yọ ma be rọ aro kele Jihova, Ọghẹnẹ oyoyou na. Yọ uruemu nana u re si amọfa kẹle iẹe.​—Fil 2:4.

Orọnikọ ọdawẹ yọ onaa gheghe nọ ohwo o re wo ho; rekọ u re dhesẹ oma via evaọ oghẹrẹ nọ ma be rọ gaviezọ, oghẹrẹ nọ ma be rọ ta ẹme, ovao mai, gbe uruemu mai. U te no ere no, nọ ma tẹ be hae gwọlọ ewoma amọfa yọ ma bi dhesẹ ọdawẹ re. Ma rẹ daoma riẹ eware nọ e rẹ were ohwo na, oware nọ ọ rọwo, gbe uyero riẹ. Ma sai fiobọhọ kẹe jẹ vuẹe eware nọ ọ rẹ sai ru, rekọ ma rẹ gbae họ nwene he. Nọ ahwo nọ ma be ta usi uwoma kẹ na a tẹ jẹ obọ nọ ma bi fihọ kẹ ae na rehọ, o re wha oghọghọ se omai.

WHA RRI IVIDIO ODHESẸVIA NA WO OGHỌGHỌ NỌ U RE NO ILELE-IRUO ZE​—RU ONAA EWUHRẸ RA WOMA VIERE​—HAI DHESẸ ỌDAWẸ, KẸSENA WHA VẸ KIYO ENỌ NANA:

  • Nọ Jade o leti ziọ oria nọ a ti jo ru obe-uwuhrẹ Ebaibol na, oghẹrẹ vẹ Neeta o ro dhesẹ nọ o wo ọdawẹ kẹe?

  • Nọ Jade ọ ta nọ oma o rrọ riẹ no yọ ọ te sai wuhrẹ hẹ, oghẹrẹ vẹ Neeta o ro dhesẹ nọ o wo ọdawẹ kẹe?

  • Nọ ma te bi dhesẹ ọdawẹ kẹ amọfa, u re si ahwo bru Jihova ze

    Nọ Jade ọ ta nọ ọ riẹ oghẹrẹ nọ a re koko eware họ họ, oghẹrẹ vẹ Neeta o ro dhesẹ ọdawẹ kẹe?