Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Asa 2017

 UZUAZỌ OLELEIKRISTI

Fiobọhọ kẹ Uviuwou Ra Talamu Jihova

Fiobọhọ kẹ Uviuwou Ra Talamu Jihova

Jihova ọ rehọ Jerimaya mu re ọ vẹvẹ ahwo Ju unu kpahe ọraha nọ o ti te ai fikinọ a se riẹ. (Jer 13:25) Kọ fikieme ahwo Ju a rọ kuvẹ re usu rai kugbe Jihova o tahaku te enẹ? Whaọ iviuwou emọ-Izrẹl a gbabọkẹ usu rai kugbe Jihova no. U muẹro nọ esẹgbini a je lele ohrẹ nọ o rrọ Iziewariẹ 6:5-7 na ha.

Evaọ inẹnẹ, iviuwou nọ i kruga e rẹ lẹliẹ ukoko jọ jajaja. Esẹgbini a sai fiobọhọ kẹ iviuwou rai talamu Jihova nọ a te bi ru Egagọ Uviuwou rai kẹse kẹse. (Ol 22:27) Nọ wha te rri ividio Eme Nana . . . E rẹ Jọ Eva Rai”—Iviuwou nọ A Kiẹ Riwi na no, wha vẹ kiyo enọ nana:

  • Ẹvẹ iviuwou jọ a sai ro fi eware nọ e jẹ whaha ai egagọ uviuwou kparobọ no?

  • Nọ ma te bi ru Egagọ Uviuwou mai siuru ziezi je ru ei kẹse kẹse, irere vẹ i re noi ze?

  • Eware vẹ i re ru egagọ uviuwou jọ bẹbẹ kẹ omẹ, kọ eme mẹ gba riẹ mu nọ me re ru kpahe iẹe?