ỌRUẸRẸHỌ

OWARE NỌ U RO WUZOU: Dede nọ iriruo usiuwoma ota nọ e be hae romavia evaọ obe ewuhrẹ na i re fiobọhọ, orọnikọ uzedhe eme yena ma rẹ nwane ta ha. U fo nọ ma rẹ rọ eme obọmai tae. O sae jọnọ who wo oghẹrẹ ofa nọ o mai kiehọ owhẹ oma, hayo u wo uzoẹme ofa evaọ obe na nọ o te mae were ahwo ẹkwotọ ra. O tẹ rrọ ere, nọ who te se emagazini na no, rri iriruo usiuwoma ota na no, je rri ividio na no, whọ sae rọ iroro-ejẹ nọ e rrọ obotọ na kere epanọ whọ te rọ rehọ emagazini na kẹ ahwo.

EPANỌ WHO RE RO RU EI:

Nọ omara nọ, ‘Kọ mẹ gwọlọ rọ oriruo usiuwoma ota na jọ ruiruo?’

EE

  • Ruẹrẹ ẹme emuhọ ra họ. Who te yere ohwo na no, fodẹ oware nọ o wọ owhẹ ze ababọ oke oraha. (Oriruo: “Mẹ nyaze fikinọ . . .”)

  • Roro kpahe onọ nọ whọ te nọ, oria Ebaibol nọ who ti se, gbe oghẹrẹ nọ whọ te rọ rehọ obe na kẹe. (Oriruo: Taure who te ti se oria Ebaibol, whọ sae ta nọ: “Uyo onọ yena o rrọ oria Ebaibol nana vevẹ.”)

IJO

  • Salọ uzoẹme jọ nọ o were owhẹ evaọ emagazini na, nọ o te were ahwo ẹkwotọ ra

  • Ruẹrẹ onọ jọ nọ whọ te nọ kpahe, onọ a te gwọlọ kpahe fihọ, nọ o rẹ dha ae eva ha. (Oriruo: Enọ nọ e rẹ romavia evaọ ẹwẹ-obe avọ 2 emagazini mai na.)

  • Salọ oria Ebaibol nọ who ti se. (Otẹrọnọ Awake! whọ gwọlọ rọ kẹ ahwo, o gbahọ nọ who re se Ebaibol ho, keme a ru emagazini nana kẹ ahwo nọ a riẹ Ebaibol tere he hayo nọ a fievahọ egagọ họ.)

  • Ruẹrẹ eme jọ họ nọ who ti ro dhesẹ kẹ ohwo na erere nọ o ti wo nọ o te se uzoẹme na

ONỌ WHỌ SALỌ KPOBI

  • Ruẹrẹ onọ jọ nọ whọ te nọ kpahe, onọ whọ te kuyo riẹ nọ who te zihe ze

  • Kere eme jọ fihọ otọ nọ i ti fiobọhọ kẹ owhẹ kareghẹhọ ẹme nọ wha ta whremu