Evaọ edẹ 23 amara Asa, ma bi rẹro erara nọ i ti bu te ima 12 (12,000,000) hayo bu viere nọ i ti kuomagbe omai ru Ekareghẹhọ uwhu Jesu. Nọ oniọvo nọ o ti ru ẹme Ekareghehọ na ọ te ta kpahe okẹ idhe ẹtanigbo nọ Jihova ọ kẹ omai gbe eghale nọ i ti noi ze te ahwo evaọ obaro na, o te jọ isẹri-ise ilogbo kẹ erara na. (Aiz 11:6-9; 35:5, 6; 65:21-23; Jọ 3:16) Rekọ, orọnọ oruẹme na ọvo o ti se isẹri evaọ etoke obọdẹ nana ha. Mai kpobi ma sai wobọ ẹkwoma erara na nọ ma re dede rehọ. (Rom 15:7) Joma ta kpahe idhere jọ nọ ma sai ro ru ei.

  • Ukpenọ whọ rẹ nyae keria bẹsenọ a re muhọ, nya bru erara gbe inievo nọ e siọ ewuhrẹ ba kri no nọ e nyaze re who dede ai rehọ avọ evawere

  • Dede nọ ahwo nọ who zizie nọ e nyaze whọ te mai dede, u fo nọ who re je dede amọfa nọ e nyaze rehọ re. Ta kẹ ahwo ọkpokpọ nọ a nyaze re a keria kugbe owhẹ. Jọ a lele owhẹ rri Ebaibol gbe obe-ile ra

  • Nọ a te kuhọ no, daoma kuyo enọ nọ erara na a te nọ owhẹ. Otẹrọnọ oke o riẹ hẹ fikinọ wha gwọlọ no etẹe kẹ ukoko ofa, ru ọruẹrẹfihotọ nọ whọ rẹ rọ nya bru ai nọ emedẹ jọ e tẹ vrẹ no. Otẹrọnọ whọ riẹ uwou riẹ hayo inọmba ifonu riẹ hẹ, whọ sae ta kẹe nọ: “Mẹ gwọlọ nọ ma gbẹ ta ẹme kpahe Ekareghẹhọ na. Whọ sae k’omẹ inọmba ra hayo adrẹse uwou ra?”