Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Asa 2016

 UZUAZỌ OLELEIKRISTI

Ẹkwoma Ẹtanigbo na Ahwo-Akpọ A ti ro Wo Ẹkparomatha

Ẹkwoma Ẹtanigbo na Ahwo-Akpọ A ti ro Wo Ẹkparomatha

Etoke Ekareghẹhọ uwhu Jesu na yọ oke nọ ma re ro roro kpahe eghale nọ i ti te omai evaọ obaro nọ idhe ẹtanigbo na i ru lọhọ. Oghale jọ họ ẹkparomatha na. Jihova ọ ma ahwo-akpọ re a whu vievie he. Oyejabọ nọ o rẹ rọ da omai gaga na nọ ohwo nọ ma you o te whu. (1Kọ 15:26) O da Jesu gaga nọ ọ ruẹ ilele riẹ nọ e jẹ viẹ okenọ Lazarọs o whu. (Jọ 11:33-35) Nọ orọnọ Jesu o tho Ọsẹ riẹ gaga na, u mu omai ẹro nọ o rẹ da Jihova gaga re nọ ọ tẹ ruẹ omai nọ ma be viẹ fiki ohwo nọ ma you nọ o whu. (Jọ 14:7) Jihova ọ be rọ ọwhọ rẹro oke nọ ọ te kpare idibo riẹ no uwhu ze, yọ ere u fo nọ ma re ru re.—Job 14:14, 15.

Nọ orọnọ Jihova yọ Ọghẹnẹ nọ o re ru eware riẹ kpobi kpatiẹ na, ma riẹ nọ ahwo a te kparoma no uwhu ze othotha, unọjọ utọjọ. (1Kọ 14:33, 40) Ukpenọ ahwo a ru uwhori, kọ ehaa nọ a ti ro dede ahwo nọ a kpare no uwhu ze a ti ru. Kọ whọ be hai roro didi kpahe ẹkparomatha na, maero kọ oke nọ whọ rrọ uweri? (2Kọ 4:17, 18) Kọ whọ be hai yere Jihova nọ o ro ru ọruẹrẹfihotọ ẹtanigbo na je dhesẹ kẹ omai evaọ Ebaibol na nọ ahwo nọ a whu no a ti zihe ziọ uzuazọ?—Kọl 3:15.

  • Egbẹnyusu gbe ahwo uviuwou ra vẹ oma o be kpakpa owhẹ inọ a kpare ziọ uzuazọ?

  • Amono a gbiku rai fihọ Ebaibol na nọ whọ mae gwọlọ ruẹ je lele ta ẹme?