Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Asa 2016

 EWARE AGHAE NỌ E RRỌ EBAIBOL NA | JOB 6-10

Job Ọzae Ẹrọwọ na O Bo Via avọ Edada

Job Ọzae Ẹrọwọ na O Bo Via avọ Edada

Job ọ jẹ ruẹ uye, ọ jọ uweri, yọ ọ jẹ mọ gaga, ghele na o kru ẹrọwọ riẹ. Fikiere, Setan ọ tẹ jẹ daoma ru udu whrehe iei re o siobọno ẹgbakiete riẹ. ‘Egbẹnyusu’ esa riẹ e tẹ nyaze. Nọ a te etẹe, a tẹ kaki lele iei weri uweri ero. Kẹsena, a tẹ keria kugbe Job edẹ ihrẹ soso, a kpunu hu yọ a ta uvumọ ẹme omosasọ họ. Uwhremu na nọ a rovie unu, kọ eme ẹwọviẹ nọ a jẹ rọ wọ eku họ iẹe uzou ọvo a jẹ ta.

Job o fi eva riẹ kpobi họ Jihova dede nọ ọ jẹ ruẹ uye gaga

6:3; 7:16; 9:20-22; 10:1, 12

  • Uweri ogaga nọ o jọ Job oma o lẹliẹ e riẹ wo eriwo ọthọthọ. Job o roro thọ gaga nọ ọ ta nọ Ọghẹnẹ ọ daezọ họ sọ o kru ẹrọwọ riẹ hayo o kru hu

  • Fikinọ udu Job u whrehe, iroro riẹ i gbe kpohọ eware efa nọ e rẹ sae wha uye-oruẹ riẹ ze he

  • Dede nọ uweri o da Job oma fia, ọ gbẹ jẹ ta kẹ enọ e jẹ wọviẹ iẹe na kpahe uyoyou nọ o wo kẹ Jihova