Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Asa 2016

 EWARE AGHAE NỌ E RRỌ EBAIBOL NA | JOB 1-5

Job O Kru Ẹgbakiete Riẹ Evaọ Otọ Odawọ

Job O Kru Ẹgbakiete Riẹ Evaọ Otọ Odawọ

Job ọ jẹ rria ẹwho Ọz evaọ oke nọ emọ Izrẹl a jọ igbo obọ Ijipti. Dede nọ ọ jọ ohwo Izrẹl he, ọ jẹ rọ eva riẹ kpobi gọ Jihova. O wo uviuwou ulogbo, o fe gaga, ọ tẹ jẹ jọ ohwo nọ ọ viodẹ evaọ ẹwho na. Ọ jọ ọkohrẹ nọ a rẹ kẹ adhẹẹ gbe obruoziẹ nọ o wo ọriẹwẹ hẹ. Ọ rẹ kẹ iyogbere gbe enọ akpọ ọ be bẹ okẹ. Job ọ jọ ohwo nọ o kru ẹgbakiete riẹ.

Job ọ rọ uruemu riẹ dhesẹ vevẹ nọ Jihova họ Ọnọ ọ mai wuzou evaọ uzuazọ riẹ

1:8-11, 22; 2:2-5

  • Setan o muẹrohọ ẹgbakiete Job. Setan ọ vro ho inọ Job o je yoẹme kẹ Ọghẹnẹ; ukpoye, ọ ta nọ Job ọ be rọ emamọ eva gọe he

  • Setan ọ ta nọ fiki eware nọ Jihova o bi ru kẹ Job oye ọ be rọ gọe

  • Re Job ọ sai dhesẹ nọ eme yena yọ erue, Jihova ọ kuvẹ re Setan ọ dawo ọzae ẹrọwọ yena. Setan ọ rọ iye sa-sa kẹ Job nọ i kpomahọ kabọ kabọ uzuazọ riẹ

  • Nọ Job o kru ẹgbakiete riẹ, Setan ọ tẹ vro ẹgbakiete ahwo-akpọ kpobi

  • Job ọ raha uzi hi yọ ọ fo Ọghẹnẹ hẹ