Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Ane 2017

 UZUAZỌ OLELEIKRISTI

Tuduhọ Ọnọ Ọ Siọ Iruo Uvie na Ba No Awọ

Tuduhọ Ọnọ Ọ Siọ Iruo Uvie na Ba No Awọ

Kukpe kukpe ibuobu nọ e siọ iruo Uvie na ba no a rẹ ziọ Ekareghẹhọ. A mu ohrẹ uzuazọ na họ ẹdhẹ no vẹre rekọ fiki eware jọ a tẹ dobọji, yọ a ta kpahe eware itieye na jọ evaọ ibroshọ na Zihe Bru Jihova Ze. (Hib 12:1) Enọ e siọ iruo Uvie na ba no a rrọ ghaghae kẹ Jihova, keme azẹ Ọmọ ọghaghae riẹ ọ rọ dẹ ae. (Iru 20:28; 1Pi 1:​18, 19) Kọ ẹvẹ ma sai ro fiobọhọ kẹ ai zihe ze ukoko na?

Ekpako ukoko a rẹ gwọlọ enọ e siọ iruo Uvie na ba no wọhọ epanọ othuru-igodẹ ọ rẹ romatotọ gwọlọ ogodẹ nọ o ghoro no uthuru na no. (Luk 15:​4-7) Onana u dhesẹ epanọ Jihova o you rai te. (Jer 23:​3, 4) Orọnikọ ekpako na ọvo a rẹ tuduhọ ae awọ họ, rekọ mai kpobi. Ma tẹ daoma dhesẹ ẹwo gbe ororokẹ kẹ ae o rẹ were Jihova gaga yọ ma ti wo evawere. (Itẹ 19:17; Iru 20:35) Fikiere, roro kpahe ohwo nọ whọ sae tuduhọ awọ, ru ere ababọ oke oraha!

WHA RRI IVIDIO NA TUDUHỌ ENỌ E SE IRUO UVIE NA BA NO AWỌ, KẸSENA WHA VẸ KIYO ENỌ NANA:

  • Eme Abbey o ru nọ ọ nyaku Osẹri nọ ọ riẹ hẹ?

  • Fikieme u ro fo re ma jẹ ekpako na riẹ ma tẹ gwọlọ fiobọhọ kẹ ohwo nọ ọ siọ iruo Uvie na ba no?

  • Eme Abbey o ru taure o te ti zihe bru Laura orọ avọ ivẹ?

  • Eme Abbey o ru nọ u dhesẹ nọ ọ ruabọhọ, o thihakọ, je wo uyoyou nọ ọ jẹ daoma tuduhọ Laura awọ?

  • Eme ma wuhrẹ no ọtadhesẹ Jesu nọ ọ rrọ obe Luk 15:​8-10 na ze?

  • Fikinọ aikpobi a ruabọhọ tuduhọ Laura awọ, irere vẹ i no rie ze?