AWAKE!

Onọ: Enwenọ ohwo kpobi ọ gwọlọ wo omokpokpọ. Eme who roro nọ ma rẹ sai ru re ma gbẹ kake mọ họ?

Oria Ebaibol: Itẹ 22:3

Obe na: Awake! nana ọ ta kpahe emamọ eware sa-sa nọ ohwo owareghẹ ọ rẹ sai ru nọ o gbe dhe ẹmẹmọ họ.

WUHRẸ AHWO UZẸME NA

Onọ: Kọ Ọghẹnẹ ọ be wha uye-oruẹ mai ze manikọ eware efa jọ?

Oria Ebaibol: Job 34:10

Uzẹme: Orọnikọ Ọghẹnẹ họ ọnọ ọ be wha uye-oruẹ mai ze he. Ukpoye, Ẹdhọ ọ be wha uye-oruẹ mai ze gbe ahwo-akpọ nọ a rẹ jẹ iroro thọ, yọ eware iyoma e rẹ sae via ẹsejọ nọ ohwo ọ tẹ rrọ oria uyoma evaọ ekpehre oke. Nọ uye o tẹ be bẹ omai, Ọghẹnẹ o re fiobọhọ kẹ omai. Ọ be ginẹ daezọ mai.

FIKIEME WHO RE RO WUHRẸ EBAIBOL NA? (Ividio)

Onọ: Kọ who roro nọ Ọghẹnẹ o bi su akpọ na? [Kuvẹ kẹ uyo.] Ẹme nọ Ebaibol na ọ ta o re gbe owhẹ unu. Whọ te jọ ividio nana rueriẹ.. [Kporo ividio na.]

Obe na: Uzou avọ 11 obe nana o ta oware nọ Ọghẹnẹ ọ jẹ kuvẹ kẹ uye-oruẹ gbe oware nọ ọ gwọlọ ru kpahe iẹe. [Kẹe obe Ebaibol Wuhrẹ hayo Wuhrẹ Omai (ọrọ oyibo) na.]

KERE EPANỌ WHO TI RO RU ỌRA

Rọ iriruo nana kere epanọ whọ te rọ rehọ ebe nana kẹ ahwo.