Kpohọ eme nọ e riẹ eva

Kpohọ oria izoẹme

 UZUAZỌ OLELEIKRISTI

Ahwo nọ A Rrọ Fuafo A rẹ Were Jihova

Ahwo nọ A Rrọ Fuafo A rẹ Were Jihova

“Whọ rẹ wozẹ abọ ra. Ru ubrukpẹ ra fo. Hwere otuwou ra. Ku erara nọ who kokohọ kufiẹ.” Eyewọ buobu a re wuhrẹ emọ rai epanọ a re ro ru ẹfuọ. Uzẹme riẹ họ, Jihova, Ọghẹnẹ Ọrẹri na họ ọnọ o bi wuhrẹ omai re ma jọ fuafo. (Ọny 30:18-20; Izi 23:14; 2Kọ 7:1) Nọ ma te bi ru oma mai gbe eware nọ ma wo fihọ fuafo yọ ma be rọ adhẹẹ kẹ Jihova. (1Pi 1:14-16) Kọ ẹvẹ kpahe uwou gbe okegbe nọ ma be rria? Mai wọhọ Ileleikristi ma rẹ raro kele ahwo nọ a re mu gbolo eware fihọ oria kpobi nọ u je rai hi, ukpoye ma rẹ daoma ru otọakpọ mai na fihọ fuafo. (Ol 115:16; Ev 11:18) Oghẹrẹ nọ ma bi ro gbolo eware wọhọ, ebe epiọwhọta, ebe iswiti, ikolo idi, gbe eware itieye efa kufiẹ u re dhesẹ sọ ma ginẹ rrọ fuafo. Evaọ kabọ kabọ uzuazọ mai, ma gwọlọ “dhesẹ nọ mai yọ egbodibo Ọghẹnẹ.”​—2Kọ 6:3, 4.

WHA RRI IVIDIO NA, AHWO NỌ A RRỌ FUAFO A RẸ WERE ỌGHẸNẸ, KẸSENA WHA VẸ KIYO ENỌ NANA:

  • Inoma vẹ ahwo jọ a re gu nọ a gbe bi ru eware rai fo ho?

  • Ẹvẹ Uzi Mosis na u ro dhesẹ oghẹrẹ nọ Jihova o rri ẹfuọ?

  • Oghẹrẹ vẹ uruemu ẹfuọ mai u re ro ru nọ amọfa a re ro jiri Jihova?

Ẹvẹ mẹ sai ro dhesẹ nọ me wo ọkpọ eriwo Jihova kpahe ẹfuọ evaọ oghẹrẹ nọ me bi yeri uzuazọ mẹ?