Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ewuhrẹ Uzuazọ Oleleikristi gbe Usiuwoma Ota Mai  |  Akpe 2016

 UZUAZỌ OLELEIKRISTI

Kọ Whọ be Rọ Ekade JW.ORG na Ruiruo Ziezi?

Kọ Whọ be Rọ Ekade JW.ORG na Ruiruo Ziezi?

ọ uye ulogbo na u bi totọ na, iruo usiuwoma mai o rrọ kpata kpata. (Itẹ 24:11, 12, 20) Re ma sai fiobọhọ kẹ ahwo, ma rẹ rehọ ekade Jw.org na ro si ahwo kpohọ oria evuẹ mai re a jọ etẹe se Ẹme Ọghẹnẹ. Ekade na o wo ẹkpẹti nọ o rẹ sae rehọ owhẹ kpohọ ividio Fikieme Who re ro Wuhrẹ Ebaibol Na? gbe epanọ whọ rẹ rọ gwọlọ evuẹ efa hayo yare uwuhrẹ Ebaibol ọvọvẹ. Ahwo jọ a rẹ rọwo mi ebe mai hi rekọ a re kpohọ oria evuẹ mai na. Kẹ ae ekade na ababọ okioraha. Ghele na, whọ rehọ ekade na kẹ ahwo nọ a dhesẹ isiuru hu hu.

Oria kpobi nọ whọ rrọ, whọ sai kpare isiuru ohwo nọ whọ tẹ vuẹe nọ: “Me wo oware jọ nọ mẹ gwọlọ kẹ owhẹ. Ekade nana ọ rẹ sae rehọ owhẹ kpohọ oria evuẹ nọ whọ sae jọ ruẹ evuẹ gbe ividio nọ e ta kpahe izoẹme sa-sa.” (Jọ 4:7) Fikinọ ekade na e rrọ kakao, whọ sae wha ejọ lele oma re whọ kẹ ahwo evaọ oke kpobi.