Kpohọ eme nọ e riẹ eva

Kpohọ oria izoẹme

 UZUAZỌ OLELEIKRISTI

Eme Whọ rẹ Sai Wuhrẹ Mi Ai?

Eme Whọ rẹ Sai Wuhrẹ Mi Ai?

Kọ a rehọ owhẹ mu odibo oruiruo hayo ọkpako ukoko obọ? O sae jọ nọ who wo onaa, ẹgba, hayo who kpohọ isukulu vi inievo nọ i kiọkọ nọ a ro mu ekpako hayo idibo iruiruo evaọ ukoko na. Ghele na, eware buobu e riẹ nọ whọ rẹ sai gbe wuhrẹ mi inievo itieye na gbe enọ e gbẹ talamu Jihova dede nọ a gbẹ rrọ ekpako hayo idibo iruiruo ho fiki owho, ẹyao, hayo ebẹbẹ uviuwou.

WHA RRI IVIDIO NA RỌ ADHẸ KẸ ENỌ ERIẸ VI OWHẸ, KẸSENA WHA VẸ KIYO ENỌ NANA:

  1. 1. Ẹvẹ Brọda Richards o ro dhesẹ nọ o wo adhẹe kẹ Brọda Bello?

  2. 2. Oware jọ vẹ Ben o ruthọ, kọ eme ọ wha riẹ ze?

  3. 3. Ẹvẹ oriruo Elaesha o ro fiobọhọ kẹ Ben?

  4. 4. Whọ tẹ make rrọ oniovo-ọmotẹ hayo ọmọzae, ẹvẹ whọ sai ro dhesẹ adhẹe kẹ inievo nọ e riẹ vi owhẹ jẹ daoma wuhrẹ mi ai?