ỌRUẸRẸHỌ

Danlodu:

  1. 1. Uvie ra nọ who ro mu evaọ ob’odhiwu,

    O wha riẹ ze nọ ma bi ro wo eware buobu.

    Ọrigbo no w’areghe na be r’Ẹme ra kuomai,

    Y’ekpako no ro mu a be nabe rẹrot’omai.

    Okokoh’ọfa te no, oma be wer’omẹ.

    Ẹsikpobi mẹ rẹ ta nọ, “Ọnana mae were!”

    Whọ be hae j’obọ ewuhrẹ wuhr’omai ziezi

    Epanọ ma sae rọ t’usiuwoma k’amọfa ziezi.

    (OZAA)

    Iru’abọ ra gbunu

    T’enọ whọ be r’Uvie ra ru.

    Esuo ra woma hrọ.

    Ẹrọwọ mai bi dh’ẹgẹga, a rẹ ru’obọ ra ha.

    Ma bi rẹr’eghale nọ Uvie ra u ti rugba.

  2. 2. Whọ k’omai uvẹ nọ ma be rọ t’usiuwoma na,

    Enẹ ma re ro dhesẹ uyoyou no ma wo via.

    A rẹ ru’obọ udhedhẹ nọ whọ be k’omai vievie he,

    Oreva ra nọ ma bi ru be k’omai evawere.

    Ile n’ukoko na bi ru ze woma kẹhẹ

    Yọ Egagọ Uviuwou e rẹ wer’omẹ kẹhẹ.

    Ghel’oria no ma no ze ma rrọ okugbe ọvo,

    A rẹ ru’obọ ukoko ra ev’akpọ soso ho.

    (OZAA)

    Iru’abọ ra gbunu

    T’enọ whọ be r’Uvie ra ru.

    Esuo ra woma hrọ.

    Ẹrọwọ mai bi dh’ẹgẹga, a rẹ ru’obọ ra ha.

    Ma bi rẹr’eghale nọ Uvie ra u ti rugba.