Kpohọ eme nọ e riẹ eva

Kpohọ oria eware nọ e riẹe eva

Rọkẹ Enọ I bi Se Uwou-Eroro Na

Rọkẹ Enọ I bi Se Uwou-Eroro Na

Anwọ amara Ahrẹ evaọ ukpe 1879 a ro mu emagazini nana họ ekere. Anwọ oke yena ze, eware i nwene gaga no, yọ epọvo na a ru inwene fihọ emagazini nana no. (Rri ifoto nọ e rrọ obehru na.) Muhọ no uvitha nana vrẹ, whọ te ruẹ inwene efa nọ ma ru fihọ Uwou-Eroro Na. Inwene vẹ e te jariẹ?

Evaọ erẹwho buobu, o rẹ mae were ahwo buobu re a kpohọ Itanẹte jọ gwọlọ evuẹ. A tẹ nẹ ekọmputa rai, a rẹ ruẹ evuẹ buobu nọ amọfa a fihọ Itanẹte. Whọ rẹ sae jọ Itanẹte se eghẹrẹ ebe buobu.

Fiki onana, ma ru inwene buobu fihọ oria-evuẹ Itanẹte mai na, www.jw.org, re u siuru ziezi, yọ o rrọ lọlọhọ re ohwo ọ jariẹ kiẹ evuẹ nọ ọ gwọlọ. Ahwo a rẹ sae jariẹ ruẹ ebe mai se evaọ evẹrẹ nọ i bu vi udhusoi akuane gbe ọgba (430). Rekọ muhọ no amara nana vrẹ, ahwo a rẹ sae jọ oria-evuẹ Itanẹte mai na se izoẹme jọ nọ ma jẹ hai kere fihọ Uwou-Eroro na, rekọ enẹna oria-evuẹ Itanẹte mai na ọvo ma te hai fi izoeme nana họ. *

Nọ orọnọ izoẹme nọ ma te hai fihọ Itanẹte e te mai bu na, muhọ no uvitha nana vrẹ, Uwou-Eroro ẹgbede na u gbe ti wo ewẹ-ebe 32 hẹ, rekọ ewẹ-ebe 16 ọvo. Ma be fa Uwou-Eroro Na fihọ evẹrẹ udhusoi akuava gbe ene (204) no vẹre, rekọ nọ orọnọ ewẹ-ebe nọ e be te jariẹe i gbe bu hu na, o te lọhọ kẹ omai re ma fae fihọ evẹre efa buobu.

U mu omai ẹro nọ inwene nana i ti fi obọ họ kẹ omai sae ta usiuwoma na kẹ oghoghẹrẹ ahwo buobu re a sae riẹ kpahe Ebaibol na. Ma gba riẹ mu nọ ma te rọ ẹkwoma Uwou-Eroro nọ ma kere lahwe gbe onọ ma fihọ Itanẹte fi obọ họ kẹ ahwo buobu nọ i bi se ebe mai, enọ i se Ebaibol na gboja jẹ gwọlọ riẹ oware nọ o gine wuhrẹ.

Enọ I Whowho I Rie

^ edhe-ẹme 5 Izoeme nana jọ họ: “Rọkẹ Izoge Na,” onọ o be hai fi obọ họ kẹ izoge riẹ kpahe Ebaibol na ziezi, gbe “Uwuhrẹ Ebaibol Mẹ,” onọ a be hai kere re esẹgbini a ro wuhrẹ emọ rai nọ e rrọ umuo ikpe esa kpotọ.