Kọ Whọ Kareghẹhọ?
Kọ whọ romatotọ se uvitha Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:
Eware jọ vẹ i ti kuhọ nọ urere na o tẹ ze no?
Eware jọ nọ i ti kuhọ họ, egọmeti ahwo-akpọ, ẹmo, ozighi, okienyẹ, egagọ erue, gbe ahwo nọ a be lẹliẹ eyoma vihọ.
Ono họ Gọg obọ Magọg nọ a jọ obe Izikiẹl fodẹ na?
Orọnikọ Setan họ Gọg obọ Magọg na ha, rekọ o wọhọ nọ erẹwho sa-sa nọ i kuomagbe nọ e te gwọlọ raha idibo Ọghẹnẹ no okenọ uye ulogbo na u te muhọ no.
Ẹvẹ iruo igbunu nọ Jesu o ru i ro dhesẹ ẹzi ọghọ-oruo riẹ via?
Evaọ ehaa-orọo nọ a jọ Kena ru, Jesu o zihe egalọno ame nọ i bu te ẹgba ọvo (100) ruọ udi. Evaọ oke ofa jọ, ọ rehọ edhere igbunu ko ahwo nọ a bu vi idu isoi (5,000). (Mat. 14:
Kọ ẹraha Babilọn Ologbo nọ o dikihẹ kẹ egagọ erue na o te wha uwhu se ahwo egagọ yena kpobi?
O wọhọ nọ o te nwane jọ ere he. Obe Zekaraya 13:
Eware jọ vẹ Oleleikristi ọ rẹ sai roro didi kpahe?
Eware itieye na jọ họ, emama Jihova, eware nọ ma bi wuhrẹ no Ebaibol ze, uvẹ olẹ, gbe okẹ ẹtanigbo na.
Ẹvẹ ekpehre usu nọ ma rẹ whaha u ro wobọ kugbe usu ọmọtẹ avọ ọmọzae?
Ma be jẹ ahwo nọ a rrọ ukoko na ha egrẹ hẹ. Rekọ, u re dhesẹ nọ ma be ghẹmeeyo kẹ uzi Ọghẹnẹ nọ ma tẹ be nya usu nọ o rẹ sai su kpohọ orọo kugbe ohwo nọ o bi koko izi riẹ hẹ, nọ ọ roma mudhe kẹe he. (1 Kọr. 15:33)
Ẹvẹ ẹrọwọ Pita o ro whrehe, kọ ẹvẹ ọ rọ wariẹ bọ ẹrọwọ riẹ ga?
Ẹrọwọ nọ Pita o wo u ru nọ ọ jẹ rọ nya ehru ame bru Jesu. (Mat. 14:
Obe Iruẹru Ikọ 28:4 o ta nọ ahwo ukoliko Malta a je roro nọ Pọl ukọ na yọ ojihẹ. Fikieme a je ro roro ere?
Nọ araomuomu ọ rowo Pọl, ahwo ukoliko Malta a te je roro nọ Ẹdhọ-aye nọ a re se Dike, ọnọ a ta nọ o re bruoziẹ kiete na, ọye ọ gwọlọ kpe Pọl.
Eme ma rẹ sai wuhrẹ no ikuigbe Mata ze, ọnọ eware buobu e rehọ iroro riẹ?
U wo okejọ nọ iruo ẹbẹ obuobu othere e rehọ iroro Mata. Jesu ọ tẹ ta nọ oniọvo riẹ nọ ọ jẹ gaviezọ kẹ uwuhrẹ riẹ ọ salọ abọ owoma. O gwọlọ nọ ma rẹ yọrọ oma re eware nọ i wuzou tere he e siọ iroro mai ba ẹrehọ no iruẹru egagọ Ọghẹnẹ.