ANWỌ ukpe 1992, Utu Ẹruorote Iruẹru Isẹri Jihova o rehọ ekpako ukoko jọ nọ i te je wo onaa ziezi mu re a fiobọhọ kẹ egbẹgwae Utu Ẹruorote Na rẹrote ewha-iruo rai. * Inievo nana nọ e rrọ usu “igodẹ efa” na, a be rọ uketha ulogbo kẹ Utu Ẹruorote Na. (Jọn 10:16) Koka koka, inievo nana a re kuomagbe ọvuọ ogbẹgwae nọ a fi rai họ kẹ ẹgwae, a vẹ rehọ evuẹ nọ i re fiobọhọ gbe iroro-ejẹ rai ze nọ Utu Ẹruorote Na o rẹ sai roro kpahe. Utu Ẹruorote Na o rẹ ta oware nọ a re ru, rekọ inievo nọ e rrọ ifiobọhọ na họ enọ i re fi iroro-ejẹ ogbẹgwae na họ iruo, ru iruo kpobi nọ ogbẹgwae na o kẹ rae. Inievo nọ e rrọ ifiobọhọ na a re lele Utu Ẹruorote Na kpohọ ikokohọ obọdẹ gbe erọ akpọ-soso. Utu Ẹruorote Na o sai je vi inievo nana kpohọ iwou ogha sa-sa.

Oniọvo jọ nọ ọ rrọ ofiobọhọ kẹ Utu Ẹruorote Na anwọ okenọ ọruẹrẹfihotọ nana o ro muhọ ọ ta nọ: “Me te bi ru ẹkẹ iruo nọ a kẹ omẹ, u re fiobọhọ nọ Utu Ẹruorote Na o jẹ mae tẹrovi owha-iruo riẹ.” Nọ oniọvo ọfa jọ o rri kpemu kpohọ anwọ ikpe 20 nọ ọ rọ rrọ ofiobọhọ na, ọ ta nọ: “Uvẹ-ọghọ nana o rro vi uvẹ-ọghọ ofa kpobi nọ mẹ hai ti rẹro riẹ evaọ ukoko na.”

Utu Ẹruorote Na u mu iruo buobu họ inievo nana obọ, yọ iruo nana nọ ifiobọhọ na a be rọ omaurokpotọ gbe ẹgba rai kpobi ru na, o da Utu Ẹruorote Na ẹro fia. Ajọ mai kpobi ma “hai rri inievo itieye na ghaghae.”—Fil. 2:29.

^ edhe-ẹme 2 Whọ tẹ gwọlọ se kpahe ewha-iruo nọ egbẹgwae ezeza Utu Ẹruorote Na a wo, rri ẹwẹ-obe avọ 131 evaọ obe na, Uvie Ọghẹnẹ U Muhọ Esuo No!