Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uwou-Eroro Na—Uvitha Uwuhrẹ  |  Ahrẹ 2015

Owhawho nọ a re se Biriya Forest nọ o rrọ Galilee (obotọ

Kọ Whọ Riẹ?

Kọ Whọ Riẹ?

Kọ orẹwho Izrẹl anwae o vọ avọ ewhawho wọhọ epanọ o wọhọ nọ Ebaibol o dhesẹ na?

EBAIBOL na o dhesẹ nọ ewhawho gbe ire “buobu” e jọ eria sa-sa evaọ Ẹkwotọ Eyaa na. (1 Iv. 10:27; Jos. 17:15, 18) Rekọ enẹna, whọ rẹ ruẹ ewhawho ho evaọ eria buobu ẹkwotọ yena. Onana u ru nọ egba-avro a sae rọ vro sọ ewhawho e ginẹ jariẹ okejọ.

Ẹko ubi-ure ojo nọ a re se sikamọ

Obe na Life in Biblical Israel o ta nọ “ewhawho e jọ ẹkwotọ Izrẹl gaga oke anwae vi epanọ o rrọ enẹna.” Ire nọ whọ rẹ mae ruẹ oke yena evaọ ẹkwotọ igbehru riẹ họ, Aleppo pine (Pinus halepensis), evergreen oak (Quercus calliprinos), gbe terebinth (Pistacia palaestina). Yọ evaọ ẹkwotọ Shefela nọ u wo igbehru esese, nọ o jọ udevie oria ukpehru avọ ukiekpotọ Mediterenia, ire ojo nọ a re se sikamọ (Ficus sycomorus) e da riẹ fia oke yena re.

Obe na Plants of the Bible o ta nọ enẹna ekwotọ jọ evaọ Izrẹl i gbe wo ire vievie he. Eme o jọ usu eware nọ e wha onana ze? Obe na u dhesẹ nọ ẹmẹrera onana o rọ via, nọ o ta nọ: “Re ahwo a sai wo eria nọ a rẹ kọ eware fihọ, ẹbe nọ a rẹ rọ ko erao, ire nọ a rẹ rọ bọ iwou, gbe enọ a re ro koko erae họ, u ru nọ a rọ rehọ ẹmẹrera kpe ewhawho buobu nọ e jariẹ kpobi no.”