Kpohọ eme nọ e riẹ eva

Kpohọ oria eware nọ e riẹe eva

Oware nọ Whọ rẹ Sai Se Kpahe

Oware nọ Whọ rẹ Sai Se Kpahe

Kaki Se Eware nọ E Mae Roja

Ma wo uvẹ tere he. Nọ o rrọ ere na, ẹvẹ ma sae rọ rehọ umuvẹ nọ ma wo ru uwuhrẹ omobọ mai ziezi? Whọ variẹ oma ha nọ who te bi se oware. Whọ tẹ romatotọ se oware jọ, u woma vi eware buobu nọ who re se ehruehru vrẹ ọvo.

Fikiere, kaki se eware nọ e mae roja. (Ẹf. 5:15, 16) Eware jọ nọ whọ rẹ sai se ena:

  • Se oria jọ evaọ Ebaibol kẹdẹ kẹdẹ. (Ol. 1:2) Whọ sai se oria nọ a ta nọ ma se, nọ a te ta ẹme kpahe evaọ ewuhrẹ udevie oka na.

  • Ruẹrẹ oma kpahe kẹ Uwuhrẹ Uwou-Eroro gbe ewuhrẹ udevie oka. Ruẹrẹ uyo jọ kpahe nọ whọ te kẹ.—Ol. 22:22.

  • Umuvẹ jọ o tẹ nwani rovie, whọ sai se ebe ukoko na efa. Se emagazini je rri ividio gbe eware efa nọ a fihọ jw.org.

  • Wuhrẹ kpahe oware jọ. Whọ sae kiẹ kpahe oware jọ nọ o be kẹ owhẹ uye hayo onọ jọ nọ o rrọ owhẹ udu. Whọ sae jẹ kiẹ kpahe oware jọ nọ Ebaibol ọ ta, nọ whọ gwọlọ gbẹ riẹ kokodo. Who te kpohọ oria “Ikuigbe Ebaibol” evaọ jw.org, whọ te ruẹ eware itieye jọ.