Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uwou-Eroro Na—Uvitha Uwuhrẹ  |  Azeza 2017

Kọ Whọ Kareghẹhọ?

Kọ Whọ Kareghẹhọ?

Kọ whọ romatotọ se uvitha Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:

Nọ ekpọvio i te no obọ ukoko Jihova ze, eme u fo nọ esẹro okogho gbe ekpako ukoko a re ru?

U fo nọ a re ru lele ekpọvio nana ababọ oke-oraha. A rẹ sae nọ oma rai nọ: ‘Kọ mẹ be hai fiobọhọ kẹ ahwo nọ a wariẹ omẹ họ bọ usu rai ga kugbe Jihova? Kọ mẹ be hai ru lele ekpọvio nọ inievo nọ e be kobaro evaọ ukoko na a be hae kẹ ababọ oke-oraha?’w16.11, ẹwẹ. 11.

Oke vẹ Ileleikristi uzẹme a rọ ruọ igbo Babilọn Ologbo na?

Onana o via nọ ikọ na a nwani whu no. Oke yena, utu ilorida egagọ a te mu oma họ erọvia evaọ ukoko Ileleikristi na. Ichọche gbe egọmeti a tẹ jẹ wha iwuhrẹ erue haro, je ru nọ ohwo ọvo ọ gbẹ jẹ rọ kezọ kẹ Ileleikristi uzẹme nọ e wọhọ eka na ha. Rekọ ikpe buobu taure ukpe 1914 u te ti te, Ileleikristi nọ a rọ ẹzi wholo a te je no igbo egagọ erue.w16.11, ẹwẹ. 23-25.

Fikieme iruo Lefèvre d’Étaples i ro wuzou gaga?

Evaọ etoke ikpe 1520, Lefèvre ọ fa Ebaibol na fihọ ẹvẹrẹ French nọ ahwo gheghe a sai wo otoriẹ riẹ. Oghẹrẹ nọ ọ rọ fa Ebaibol na, u fiobọhọ kẹ ahwo wọhọ Martin Luther, William Tyndale, gbe John Calvin.wp16.6, ẹwẹ. 10-12.

Ohẹriẹ vẹ o rrọ “iroro nọ a re fihọ eware uwo” gbe “iroro nọ a re fihọ eware ẹzi”? (Rom 8:6)

Ohwo nọ o fi iroro họ eware iwo ọ rẹ tẹrovi isiuru uwo jẹ kuvẹ re e kpọe, yọ eware yena ọvo ọ rẹ ta ẹme kpahe oke kpobi je jiri. Rekọ ohwo nọ o fi iroro họ eware ẹzi ọ rẹ tẹrovi jẹ roma kẹ eware nọ i wobọ kugbe egagọ Ọghẹnẹ, yọ ọ rẹ kuvẹ re ẹzi ọfuafo na ọ kpọe. Iroro nọ a re fihọ eware iwo o rẹ wha uwhu ze, rekọ iroro nọ a re fihọ eware ẹzi o rẹ wha uzuazọ gbe udhedhẹ ze.w16.12, ẹwẹ. 15-17.

Idhere jọ vẹ ma sai ro ru awaọruọ kpotọ?

Rọ eware nọ e mae roja karo, riẹ umuo nọ whọ rẹ sai ru, ru uvẹ jọ kẹ omara nọ who re ro serihọ kẹdẹ kẹdẹ, jọ emama Jihova e hae were owhẹ, hae sasa ovao, hai wobọ evaọ arozaha oma-uru-jaja, hae wezẹ doma.w16.12, ẹwẹ. 22-23.

“A rehọ Enọk vrẹ re o gbe whu uwhu oja ha.” (Hib. 11:5) Evaọ oghẹrẹ vẹ?

O wọhọ nọ Jihova ọ rehọ uzuazọ Enọk wọhọ epanọ owezẹ o rẹ rọ ẹmẹrera su ohwo vrẹ na, re o gbe whu uwhu oja ha.wp17.1, ẹwẹ. 12-13.

Fikieme omaurokpotọ u gbe ro wuzou?

Ohwo nọ o wo omaurokpotọ ọ rẹ riẹ ọnyaba riẹ, ọ rẹ riẹ eware nọ ọ rẹ sai ru dẹẹ gbe enọ ọ rẹ sai ru hu. Ohwo otiọye ọ rẹ rọ oghẹrẹ ovo dhesẹ hẹ inọ oriẹ o mai woma, yọ ọ rẹ hae kareghẹhọ oghẹrẹ nọ uruemu riẹ o rẹ sai kpomahọ amọfa.w17.01, ẹwẹ. 18.

Imuẹro vẹ i dhesẹ nọ Ọghẹnẹ ọ kpọ Ileleikristi nọ e jọ Utu Ẹruorote evaọ ikpe udhusoi-ọsosuọ wọhọ epanọ ọ be kpọ erọ nẹnẹ na?

Ẹzi ọfuafo na o fiobọhọ kẹ ai wo otoriẹ iwuhrẹ Ebaibol. Ikọ-odhiwu i fiobọhọ kẹ ae rẹrote iruo usiuwoma ota na, yọ a kuvẹ re Ẹme Ọghẹnẹ ọ kpọ iroro-ejẹ rai. Epọvo na o rrọ nẹnẹ re.w17.02, ẹwẹ. 26-28.

Eware jọ vẹ i ru okẹ ẹtanigbo na ghare tere?

Eware ene na họ: Ohwo nọ ọ kẹ owhẹ okẹ na, ẹjiroro nọ ọ rọ kẹ owhẹ okẹ na, oware nọ ohwo nọ ọ kẹ okẹ na ọ raha fihọ iẹe, gbe oware nọ okẹ na u ru kẹ owhẹ. Nọ ma te roro kpahe eware nana, e rẹ sai fiobọhọ kẹ omai wo edẹro kẹ okẹ ẹtanigbo na.wp17.2, ẹwẹ. 4-6.

Nọ Oleleikristi ọ tẹ jiroro jọ no, kọ oyena u dhesẹ nọ ọ rẹ gbẹ sai nwene iei hi?

U fo nọ ma re koko ẹme mai. Rekọ ẹsejọ o rẹ gwọlọ nọ ma wariẹ roro kpahe iroro jọ nọ ma jẹ no vẹre je tube nwene iei dede. Nọ Ọghẹnẹ ọ ruẹ nọ ahwo Ninẹve a kurẹriẹ, o nwene iroro nọ ọ jẹ kpahe ae no vẹre. Ẹsejọ, eware nọ i re nwene hayo evuẹ ekpokpọ nọ ma riẹ e rẹ sae lẹliẹ omai ru epọvo na re.w17.03, ẹwẹ. 16-17.

Fikieme iguẹgu e rọ rrọ yoyoma?

Iguẹgu e rẹ sae lẹliẹ ẹme vẹgbẹ hayo yoma vi epanọ o jọ vẹre. O tẹ make rọnọ ẹme nọ ma be ta na uzẹme hayo ọrue, iguẹgu e rẹ wha ewoma ọvo ze he.w17.04, ẹwẹ. 21.