Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uwou-Eroro Na—Uvitha Uwuhrẹ  |  Azeza 2017

“Oghale U te Owhẹ Fiki Areghẹ Ra!”

“Oghale U te Owhẹ Fiki Areghẹ Ra!”

DEVIDI ọ ta eme yena ro jiri aye jọ nọ o lele ta ẹme. Odẹ aye na Abigẹle. Eme o lẹliẹ Devidi jiri iei, kọ eme ma rẹ sai wuhrẹ no oriruo aye na ze?

Devidi ọ ruẹ aye nana nọ o wo ọzae no na evaọ okenọ ọyomariẹ ọ jẹ dhẹ kẹ uzuazọ riẹ fiki Sọl ovie na. Abigẹle ọ jọ aye Nebale, ọzae jọ nọ o fe gaga, nọ a jẹ rẹrote uthuru erao ibuobu riẹ evaọ ofẹ igbehru ovatha-ọre Juda. Devidi avọ ahwo riẹ a jọ wọhọ “ọzadhe” hayo ugbẹhẹ nọ o jẹ thọ erao avọ ithuru-igodẹ Nebale. Uwhremu na, Devidi o te vi uwou se Nebale jẹ yare iẹe nọ jọ ọ kẹe ‘oware nọ u te rie obọ kpobi’ nọ a rẹ sae re. (1 Sam. 25:8, 15, 16) Ayare nana ọ thọ họ keme Devidi avọ ahwo riẹ a thọ uthuru Nebale avọ iruiruo riẹ.

Rekọ Nebale nọ otofa odẹ riẹ o rrọ “ugheghẹ” na, o ru lele otofa odẹ na. Ọ rọwo ru oware nọ Devidi ọ yare na ha, ukpoye ọ kpahe eme egaga kẹ ahwo nọ Devidi o vi bru ei jẹ tubẹ lae eka dede. Fikiere ọ tẹ wọ nọ ọ rẹ nyae kẹ Nebale uye fiki eme egaga nọ ọ kpahe avọ ugheghẹ na. Nebale avọ uviuwou riẹ a te rọ uzou di okpẹtu nọ o ti no ugheghẹ riẹ na ze.1 Sam. 25:2-13, 21, 22.

Nọ Abigẹle o roro kpahe okpẹtu nọ o ti no omaa Devidi ze, ọ tẹ gbaudu nyai kiofu Devidi. Ọ rọ adhẹẹ lele Devidi ta ẹme, re o gbe ru oware nọ o rẹ raha usu riẹ kugbe Jihova ha. Ọ tẹ jẹ wha emu buobu se Devidi nọ o bi ti zihe ruọ ovie kẹle avọ ahwo riẹ. Devidi omariẹ o vuhumu nọ Jihova ọ rọ aye nana whaha iẹe eruo oware nọ o hae te lẹliẹe reabe evaọ aro Ọghẹnẹ. Devidi ọ ta kẹ Abigẹle nọ: “Oghale u te owhẹ fiki areghẹ ra, oghale u te owhẹ nọ ọ whaha omẹ no abe-ọriọ ohwo-okpe!”1 Sam. 25:18, 19, 23-35.

Ma te roro kpahe ikuigbe nana, mai ohwo ọvo ọ te gwọlọ jọ wọhọ Nebale vievie he, inọ ma re dhesẹ edẹro kẹ eware iwoma nọ a ru kẹ omai hi. U te no ere no, u fo nọ ma te muẹrohọ nọ oware jọ o be nyathọ, ma rẹ dawo ẹgba mai kpobi re ma sae whaha iẹe. Ẹhẹ, ma rẹ sae ta ọkpọ ẹme ọso-ilezi na, nọ ọ ta kẹ Ọghẹnẹ nọ: “Wuhrẹ omẹ oziẹobro gbe ẹriẹ,” hayo areghẹ.Ol. 119:66.

Amọfa a rẹ sai muẹrohọ areghẹ hayo orimuo evaọ ewar e nọ ma be hai ru. Te a make ta via hayo a ta via ha, o rẹ sae jarai oma wọhọ epanọ o jọ kẹ Devidi, nọ ọ ta nọ: “Oghale u te owhẹ fiki areghẹ ra!”