Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uwou-Eroro Na  |  No. 3 2016

Eria nọ odẹ Ọghẹnẹ o rrọ evaọ iko-ebe anwae Ebaibol na (oye o rrọ ipipe na)

Eme Ebaibol na Ọ Ta?

Eme Ebaibol na Ọ Ta?

Kọ Ọghẹnẹ o wo odẹ?

AHWO JỌ A TA NỌ o wo odẹ hẹ, amọfa nọ odẹ riẹ Ọghẹnẹ hayo Olori, efa e tẹ jẹ ta nọ o wo edẹ buobu. Ẹvẹ who roro?

ẸME NỌ EBAIBOL NA Ọ TA

“Whẹ, ọnọ odẹ riẹ o rrọ Jihova, whẹ ọvo họ Ọnọ Ọ Mai Kpehru vi otọakpọ na kpobi.” —Olezi 83:18, NW..

EME ỌFA MA RẸ SAI WUHRẸ NO EBAIBOL NA ZE?

  • Dede nọ Ọghẹnẹ o wo edẹ-ova buobu, ọ kẹ omariẹ odẹ ovo jọ.—Ọnyano 3:15.

  • Ọghẹnẹ yọ ohwo nọ ma rẹ sae riẹ, ọ tẹ jẹ gwọlọ nọ ma wuhrẹ kpahe iẹe.—Iruẹru Ikọ 17:27.

  • Odẹ Ọghẹnẹ nọ ma rẹ riẹ họ oware ọsosuọ nọ u re fiobọhọ kẹ omai si kẹle iẹe hayo wo usu okpekpe kugbei.—Jemis 4:8.

Kọ o thọ re a se odẹ Ọghẹnẹ?

KỌ WHỌ TE TA NỌ?

  • Ee

  • Ijo

  • Mẹ nwane riẹ hẹ

ẸME NỌ EBAIBOL NA Ọ TA

“Whọ rẹ rehọ odẹ Jihova Ọghẹnẹ ra ru ugberuo vievie he.” (Ọnyano 20:7, NW) Nọ ohwo ọ tẹ be rọ odẹ Ọghẹnẹ ruiruo thọthọ ọvo a sae rọ ta nọ ọ be rehọ odẹ Ọghẹnẹ ru ugberuo.—Jerimaya 29:9.

EME ỌFA MA RẸ SAI WUHRẸ NO EBAIBOL NA ZE?

  • Jesu ọ riẹ odẹ Ọghẹnẹ yọ o je sei. —Jọn 17:25, 26.

  • Ọghẹnẹ ọ gwọlọ nọ ma se odẹ riẹ. —Olezi 105:1.

  • Ewegrẹ Ọghẹnẹ a gwọlọ ru odẹ Ọghẹnẹ thọrọ ahwo ẹro.—Jerimaya 23:27.