Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

UWOU-ERORO NA No. 1 2018 | Kọ Ebaibol na O gbe Wo Iruo kẹ Omai Nẹnẹ?

Kọ Ebaibol Na O Gbe Wo Iruo Kẹ Omai Nẹnẹ?

Dede nọ ahwo a bi kere ebe ekpokpọ kẹdẹ kẹdẹ, kọ Ebaibol na o gbe wo iruo kẹ omai? Ebaibol na ọ ta nọ:

“Ẹkwoma ẹzi Ọghẹnẹ a ro kere Ikereakere na kpobi, yọ e rẹ kẹ erere.”​—2 Timoti 3:16.

Uvitha Uwou-Eroro nana o ta kpahe ẹme nọ Ebaibol na ọ ta inọ ehrẹ riẹ e sae kpọ omai je fiobọhọ kẹ omai evaọ kabọ kabọ uzuazọ.

 

Kọ Ehrẹ Ebaibol na I gbe Wo Iruo kẹ Omai Nẹnẹ?

Nọ o rọnọ evuẹ gbe ehrẹ nọ a kere kẹle e vọ oria kpobi na, fikieme ohwo ọ jẹ lahiẹ oma nyai se obe jọ nọ u kri te ikpe idu ivẹ (2,000) no?

Ehrẹ Ebaibol Na—I re Kie Kpo Ho

Iwuhrẹ Ebaibol i re kiekpo ho, keme ehri-izi riẹ i kie kpahe kabọ kabọ uzuazọ mai.

O Kiekpo no Manikọ O Ta Kpahe Obaro Gbagba?

Ebaibol na yọ obe otọkiẹ-eriariẹ hẹ, rekọ evuẹ riẹ kpahe otọkiẹ-eriariẹ e rrọ gbagba.

1 Ehrẹ nọ I re Fiobọhọ kẹ Omai Whaha Ebẹbẹ

Se kpahe epanọ Ẹme Ọghẹnẹ o ro fiobọhọ kẹ ahwo buobu whaha ebẹbẹ ilogbo jọ no evaọ uzuazọ.

2 Ehrẹ nọ I re Fiobọhọ kẹ Omai Ku Ebẹbẹ Họ

Ehrẹ Ebaibol e rẹ sai fiobọhọ kẹ omai ku ebẹbẹ gbe idhọvẹ nọ i siotọ kri no họ, wọhọ awa nọ a rẹ ruẹ vrẹta, oware nọ ohwo ọ rẹ kaki ru hu fiki meti meti, gbe okenọ ohwo ọ te rrọ goli hayo rrọ ọkora.

3 Ehrẹ nọ I re Fiobọhọ kẹ Omai Thihakọ Ebẹbẹ

What about problems that can neither be avoided nor resolved, such as chronic illness or death?

Oware nọ Ebaibol na Ọ Ta Kpahe Obaro

Ẹme Ọghẹnẹ ọ rẹ sai fiobọhọ kẹ omai thihakọ ebẹbẹ nọ ma rẹriẹ ovao dhe​—makọ ebẹbẹ ikẹdẹ kẹdẹ nọ i re te ohwo idudhe evaọ akpọ idabolo nana dede. U te no ere no, Ebaibol na ọ tẹ jẹ ta kpahe epanọ obaro na ọ te jọ vevẹ.

Ẹvẹ Who Roro?

Se kpahe oware nọ ahwo jọ a roro gbe oware nọ Ebaibol na ọ ta kpahe onọ nana.