Kpohọ eme nọ e riẹ eva

Kpohọ oria izoẹme

Eme Ọghẹnẹ Ọ Gwọlọ Kẹ Omai?

Eme Ọghẹnẹ Ọ Gwọlọ Kẹ Omai?

WHO te se ebe-usi, rri etẹlẹvisiọno, hayo gaviezọ kẹ iredio, whọ rẹ ruẹ je yo iku emuemu, ẹmo, gbe ozighi. Ẹsejọhọ uye o be bẹ owhẹ fiki ẹyao hayo fikinọ ohwo ra jọ o whu.

Onana o sae whae ze nọ whọ rẹ rọ nọ omara nọ:

  • Kọ oware nọ Ọghẹnẹ ọ gwọlọ kẹ omẹ avọ uviuwou mẹ ona?

  • Ẹvẹ mẹ sai ti ro thihakọ ebẹbẹ mẹ?

  • Kọ udhedhẹ o te jọ akpọ na ẹdẹjọ?

Ebaibol na ọ kẹ iyo enọ nana ziezi.

 EBAIBOL O DHESẸ NỌ ỌGHẸNẸ O TI RU EWARE IGBUNU EVAỌ OTỌAKPỌ NA.

  • Edada, owho hayo uwhu e gbẹ te jọ họ.​—Eviavia 21:4

  • “Ọmo o ti duola wọhọ orua.”​—Aizaya 35:6

  • “Ibiaro enọ i tuaro i ti rovie.”​—Aizaya 35:5

  •  A te kpare enọ i whu no ziọ uzuazọ.​—Jọn 5:28, 29

  • Ohwo ọvo ọ gbẹ te mọ họ.​—Aizaya 33:24

  • Ohwo kpobi evaọ otọakpọ na o ti wo emu buobu nọ ọ rẹ re.​—Olezi 72:16

 WO ERERE NO EWARE NỌ EBAIBOL O WUHRẸ ZE

Ohwo ọ rẹ sai roro nọ eware nọ ọ jọ emuhọ obe nana se na yọ ewezẹ gheghe. Rekọ Ọghẹnẹ ọ ya eyaa nọ o ti ru eware nana evaọ otọakpọ na kẹle na, yọ Ebaibol na o dhesẹ oghẹrẹ nọ o ti ro ru ai.

Orọnikọ oware nọ Ebaibol na ọ ta oye ọvo ho. O vuẹ omai oware nọ ma re ru re ma sai wo uvi evawere je yeri emamọ uzuazọ enẹna. O sae jọnọ who wo ebẹbẹ jọ nọ e be lẹliẹ owhẹ roro iroro. O sae jọ ẹbẹbẹ ugho, hayo ebẹbẹ uviuwou, hayo o sae jẹ jọ ẹyao hayo ohwo ra nọ o whu. Ebaibol na ọ rẹ sai fiobọhọ kẹ owhẹ thihakọ ebẹbẹ nana, yọ o rẹ sae kẹ owhẹ omosasọ keme o kẹ iyo enọ wọhọ:

 Obe nana nọ who bi se na u dhesẹ nọ whọ gwọlọ riẹ oware nọ Ebaibol na o wuhrẹ. Obe nana u ti fiobọhọ kẹ owhẹ. A ru enọ fihọ idhe-ẹme na, onọ u ti fiobọhọ kẹ owhẹ wo otoriẹ Ebaibol na ziezi. Ima ahwo buobu a bi wo erere no Ebaibol na nọ a bi lele Isẹri Jihova wuhrẹ ze. Ma riẹ nọ ere o te jọ kẹ owhẹ re. Ajọ Ọghẹnẹ ọ ghale owhẹ nọ whọ be kiẹ eware nọ Ebaibol na o bi ti wuhrẹ owhẹ via na!