UWUHRẸ AVỌ 49
Ẹvẹ Uviuwou Ra O Sai ro Wo Evawere?—Abọ 1
Ahwo nọ a rọo obọ a re rẹro nọ evawere nọ a wo evao ẹdẹ ehaa-orọo na e te jọ bẹdẹ bẹdẹ. Yọ o sae jọ ere. Ileleikristi nọ e rọo kri no nọ e be daoma nya lele ehrẹ Ebaibol evaọ orọo rai a riẹ nọ o sae jọ ere.
1. Didi ohrẹ Ebaibol na ọ kẹ ezae?
Jihova ọ rọ ọzae mu re o wuzou uviuwou riẹ. (Se Ahwo Ẹfisọs 5:23.) Jihova ọ gwọlọ nọ ọzae na ọ rẹ jiroro nọ i re fiobọhọ kẹ uviuwou na. Ebaibol na ọ ta kẹ ezae na nọ: “Wha gbẹ hai you eyae rai.” (Ahwo Ẹfisọs 5:25) Ẹvẹ ọzae o re ro ru onana? Ọzae nọ ọ rrọ yoyou o re tete aye riẹ evaọ obọ uwou gbe obọ ore. Ọ rẹ thọ aye riẹ no enwoma, ọ rẹ daoma rẹrotei, je ru eware nọ e rẹ lẹliẹ eva were iẹe. (1 Timoti 5:8) Onọ o mai wuzou kọ, o re fiobọhọ kẹe wo usu okpekpe kugbe Ọghẹnẹ. (Matiu 4:4) Wọhọ oriruo, ọ rẹ lẹ kugbe aye riẹ, a ve je se Ebaibol na kugbe. Nọ ọzae ọ tẹ be rẹrote aye riẹ ziezi, ọyomariẹ o re wo emamọ usu kugbe Jihova.—Se 1 Pita 3:7.
2. Didi ohrẹ Ebaibol na ọ kẹ eyae?
Ebaibol na ọ ta nọ jọ aye “o wo adhẹẹ odidi kẹ ọzae riẹ.” (Ahwo Ẹfisọs 5:33) Ẹvẹ aye ọ sai ro ru ere? Ọ rẹ hai roro kpahe emamọ iruemu ọzae riẹ gbe epanọ ọ be daoma te re ọ sae rẹrote ọyomariẹ gbe emọ rai. O re je dhesẹ adhẹẹ nọ o te bi ru lele iroro nọ ọzae na ọ jẹ, nọ ọ tẹ be rọ unu kpotọ ta ẹme kẹe jẹ ta eme iwoma kpahe iẹe kẹ amọfa o tẹ make rọnọ ọzae na ọ rrọ ukoko na ha.
3. Ẹvẹ ọzae-avọ-aye a sae rọ jọ kpekpekpe evaọ orọo rai?
Ebaibol na ọ ta kpahe ọzae-avọ-aye nọ a rọo no nọ: “Aimava na a vẹ jọ uwo ovo.” (Matiu 19:5) Fikiere, a rẹ daoma gaga re a gbẹ kuvẹ kẹ oware ovo nọ o rẹ lẹliẹ usu rai godo ho. Re usu rai o kpekpe, a rẹ daoma wo oke nọ a rẹ rọ jọ kugbe kẹse kẹse, a vẹ jẹ hae romakpotọ ta eva rai kẹ ohwohwo. A rẹ kuvẹ vievie he re oware ofa jọ hayo omọfa jọ ọ mai wuzou kẹ ae vi ọzae hayo aye rai, u te no Jihova no. A rẹ yọroma gaga re a gbe mu usu nọ u fo ho kugbe omọfa jọ họ.
GBE WUHRẸ EWARE EFA
Wuhrẹ kpahe ehrẹ Ebaibol nọ e rẹ sai fiobọhọ kẹ owhẹ avọ aye hayo ọzae ra jọ kpekpekpe evaọ orọo rai.
4. Whẹ ọzae, you aye ra jẹ rẹrotei ziezi
Ebaibol na ọ ta nọ “u fo nọ ezae i re you eyae rai wọhọ ugboma obọrai.” (Ahwo Ẹfisọs 5:28, 29) Ẹvẹ o re ro ru onana? Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
-
Idhere jọ vẹ ọzae ọ sai ro dhesẹ nọ o you aye riẹ jẹ be rẹrotei?
Se Ahwo Kọlọsi 3:12, kẹsena wha vẹ ta ẹme kpahe onọ nana:
-
Ẹvẹ ọzae ọ sai ro dhesẹ iruemu nana evaọ orọo riẹ?
5. Whẹ aye, you ọzae ra jẹ kẹe adhẹẹ
Ebaibol na ọ ta kẹ aye nọ ọ rọ adhẹẹ kẹ ọzae riẹ te ọ be gọ Jihova te ọ be gọe he. Se 1 Pita 3:1, 2, kẹsena wha vẹ ta ẹme kpahe enọ nana:
-
Otẹrọnọ ọzae ra ọ be gọ Jihova ha, ma riẹ nọ whọ gwọlọ nọ o mu Jihova họ ẹgọ. Kọ eme who roro nọ o te mai fiobọhọ? Usi uwoma nọ whọ rẹ ta kẹe ẹsikpobi manikọ emamọ uruemu nọ who re dhesẹ gbe adhẹẹ nọ who re wo kẹe? Fikieme who ro roro ere?
Ọzae-avọ-aye a sae jẹ emamọ iroro kugbe. Rekọ o sai wo ẹsejọ nọ aye na ọ rọwo fihọ iroro nọ ọzae riẹ ọ jẹ hẹ. Evaọ oke utioye na, ọ sae romakpotọ ta iroro riẹ avọ adhẹẹ, rekọ ọ rẹ kareghẹhọ nọ ọzae riẹ họ ohwo nọ Jihova ọ kẹ iruo nọ ọ rẹ rọ jiroro oware nọ u kiehọ kẹ uviuwou na. Ọ rẹ daoma riẹ kpobi ru lele iroro ọzae na. O te bi ru ere, o re fiobọhọ ru evawere jọ uwou na. Se 1 Pita 3:3-5, kẹsena wha vẹ ta ẹme kpahe onọ nana:
-
Ẹvẹ Jihova o re rri rie nọ aye ọ tẹ be kẹ ọzae riẹ adhẹẹ?
6. Whọ sai ku ebẹbẹ nọ e rrọ orọo ra họ
U wo orọo ọvuọvo ho nọ ẹbẹbẹ ọ rrọ họ. Fikiere, ọzae-avọ-aye a re kuobọgbe re a sai ku ebẹbẹ rai họ. Kporo IVIDIO na, kẹsena wha vẹ ta ẹme kpahe enọ nọ e rrọ obotọ na.
-
Evaọ ividio na, eware jọ vẹ i dhesẹ nọ usu ọzae-avọ-aye na ọ gbẹ kpekpe he?
-
Eme a ru re a sai ku ebẹbẹ nọ e jọ orọo rai na họ?
Se 1 Ahwo Kọrint 10:24 gbe Ahwo Kọlọsi 3:13. Nọ wha te se oria ikere ọvuọvo no, wha vẹ ta ẹme kpahe onọ nana:
-
Ẹvẹ ohrẹ Ebaibol nana o sae rọ lẹliẹ evawere jọ orọo?
Ebaibol na ọ ta nọ ma hae rọ ọghọ kẹ ohwohwo. Who te wo ọghọ kẹ ohwo, whọ rẹ rọ edhere owowou lele ohwo na yeri jẹ kẹe adhẹẹ. Se Ahwo Rom 12:10, kẹsena wha vẹ ta ẹme kpahe enọ nana:
-
Kọ u fo re ohwo o rẹro nọ ọzae hayo aye riẹ ọ rẹ kake kẹe ọghọ? Fikieme whọ rọ ta ere, hayo kọ fikieme who gbe ro roro ere he?
AHWO JỌ A RẸ TA NỌ: “Mẹ avọ aye mẹ hayo ọzae mẹ ma gbẹ kpekpe te epanọ ma jọ vẹre he.”
-
Eme whọ te ta kẹ ae ro dhesẹ nọ Ebaibol na ọ sai fiobọhọ kẹ ae?
EME WHO WUHRẸ NO?
Ọzae-avọ-aye a sai wo evawere nọ a te you ohwohwo, be rọ adhẹẹ kẹ ohwohwo, je bi lele ehrẹ Ebaibol na.
Ọkiẹkpemu
-
Eme ọzae o re ru re evawere e sae jọ orọo riẹ?
-
Eme aye o re ru re evawere e sae jọ orọo riẹ?
-
Otẹrọnọ whọ rọo no, ohrẹ Ebaibol vẹ o sai ru owhẹ avọ ọzae hayo aye ra jọ kpekpekpe?
KIẸ KPAHE EFA
Wuhrẹ emamọ ehrẹ jọ nọ i re fiobọhọ kẹ owhẹ avọ uviuwou ra wo evawere.
Rri ividio ole jọ nọ a jọ dhesẹ eghale nọ who re wo nọ who te bi ru lele ehrẹ Ọghẹnẹ evaọ orọo ra.
Se kpahe oware nọ aye o re ru ro dhesẹ nọ ọ be romakpotọ kẹ ọzae riẹ nọ o wuzou uwou na.
“Whai Eyae, Eme U ro Fo re Wha Roma Kpotọ Kẹ Ezae?” (Uwou-Eroro Na, Asoi 15, 2010)
Ẹvẹ ọzae-avọ-aye jọ a sai ro ku ebẹbẹ egaga nọ a wo họ, te orọo rai nọ a jẹ te gwọlọ fa?
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
