Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

Kọ Who ti Ru Oreva Jihova?

Kọ Who ti Ru Oreva Jihova?

Whẹ kobiruo gaga nọ whọ rọ romatotọ se ibroshọ nana, re whọ riẹ kpahe oghẹrẹ ahwo nọ mai Isẹri Jihova ma rrọ, epanọ iruẹru mai e rrọ, gbe ẹnyaharo ukoko mai. U mu omai ẹro inọ ibroshọ nana u fi obọ họ kẹ owhẹ vuhumu no inọ mai họ ahwo nọ a bi ru oreva Ọghẹnẹ nẹnẹ. Ma tuduhọ owhẹ awọ inọ gbe wuhrẹ kpahe Ọghẹnẹ, ta kẹ ahwo uviuwou gbe egbẹnyusu ra kpahe eware nọ who bi wuhrẹ, jẹ daoma hai kpohọ iwuhrẹ ukoko mai kẹse kẹse.—Ahwo Hibru 10:23-25.

Whọ te ruẹ nọ epanọ who wuhrẹ kpahe Jihova te, ere whọ te ruẹ epanọ o gine you owhẹ te. Kẹsena, oma o vẹ te wọ owhẹ re whọ daoma kpobi dhesẹ uyoyou kẹ Ọghẹnẹ, fikinọ ọye ọ kaki you owhẹ. (1 Jọn 4:8-10, 19) Rekọ ẹvẹ whọ sai ro dhesẹ uyoyou ra kẹ Ọghẹnẹ evaọ uzuazọ ikẹdẹ kẹdẹ ra? Irere vẹ who re wo, nọ who te bi koko izi riẹ nọ e ta kpahe emamọ uruemu? Kọ eme o ti fi obọ họ kẹ owhẹ kuomagbe omai ru oreva Ọghẹnẹ? O te were oniọvo nọ o bi wuhrẹ obe kugbe owhẹ na re o fi obọ họ kẹ owhẹ ruẹ iyo na, re whẹ avọ uviuwou ra wha sae daji “uyoyou Ọghẹnẹ,” onọ o te wha uzuazọ ebẹdẹ bẹdẹ se owhai.—Jud 21.

Ma tuduhọ owhẹ awọ inọ gbe ru ẹnyaharo evaọ uzẹme na ẹkwoma obe nana nọ who re wuhrẹ: Daji Uyoyou Ọghẹnẹ.