Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 12

Oghẹrẹ Vẹ A Ruẹrẹ Iruo Usiuwoma Ota Mai Họ?

Oghẹrẹ Vẹ A Ruẹrẹ Iruo Usiuwoma Ota Mai Họ?

Spain

Belarus

Hong Kong

Peru

Taure Jesu o te ti whu, ọ ta nọ: “A rẹ te vuẹ ovuẹ usiuwoma uvie na kẹ akpọ na kpobi, re o jọ isẹi kẹ erẹwho akpọ na kpobi; kẹsena urere u te zi te.” (Matiu 24:14) Rekọ ẹvẹ a sae rọ ta usiuwoma na evaọ akpọ na soso? Onana o rẹ sae lọhọ nọ ma te bi ru lele oriruo nọ Jesu o fihotọ evaọ okenọ ọ jọ otọakpọ.—Luk 8:1.

Ma be nyabru ahwo evaọ obọ iwou rai. Jesu o wuhrẹ ilele riẹ re a ta usiuwoma na no uwou ruọ uwou. (Matiu 10:11-13; Iruẹru Ikọ Na 5:42; 20:20) A ghale ekwotọ sa-sa kẹ Ileleikristi ikpe-udhusoi ọsosuọ nọ a jẹ jọ ta usiuwoma. (Matiu 10:5, 6; 2 Ahwo Kọrint 10:13) Epọvo na nẹnẹ, a ruẹrẹ iruo usiuwoma ota mai na họ kpatiẹ, yọ ukoko kpobi u wo ẹkwotọ nọ a ghale kẹ ae nọ a rẹ jọ ta usiuwoma. Onana u bi fi obọ họ kẹ omai ru ujaje Jesu gba inọ ma ‘ta usiuwoma na kẹ ahwo je se isẹi.’—Iruẹru Ikọ Na 10:42.

Ma be ta usiuwoma na evaọ oria kpobi nọ ma sai jo duku ahwo. Jesu o fi oriruo na họ otọ ẹkwoma usiuwoma na nọ ọ jẹ ta evaọ ẹgbede, eria wọhọ akotọ-abade hayo ozae nọ ahwo a jẹ hae nyaze ti jo vo ame. (Mak 4:1; Jọn 4:5-15) Epọvo na, oria kpobi nọ ma jọ ruẹ ahwo ma re jo lele ai ta ẹme kpahe Ebaibol na, makọ evaọ iyẹrẹ, oria ekiọthuọ, yọ ẹsejọ ma rẹ rọ ifonu ta usiuwoma kẹ ahwo. Yọ uvẹ u te rovie kẹ omai, ma rẹ ta usiuwoma kẹ ahwo nọ ma gbẹ be rria kẹle oma, ahwo nọ ma gbe bi ru iruo, ibe emọ-eklase mai, gbe imoni mai. Omodawọ nana kpobi u ru nọ ima ahwo buobu wariẹ akpọ na họ a bi ro yo emamọ usi nọ o rẹ kẹ esiwo na.—Olezi 96:2.

Kọ who roro te ohwo jọ nọ whọ sae ta usiuwoma kẹ kpahe Uvie Ọghẹnẹ gbe irere nọ usiuwoma na o te wha se ahwo evaọ obaro? Whọ kuvẹ re oware jọ o whaha owhẹ ewhowho emamọ usi na ha. Rehọ uvẹ kpobi nọ who wo ro whowho iei.

  • “Usiuwoma” vẹ o gbahọ nọ ma whowho?

  • Oghẹrẹ vẹ Isẹri Jihova a be rọ raro kele epanọ Jesu ọ jẹ rọ ta usiuwoma?