Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 24

Oghẹrẹ Vẹ Ma be rọ Ruẹ Ugho Wha Iruo Akpọ-Soso Mai na Haro?

Oghẹrẹ Vẹ Ma be rọ Ruẹ Ugho Wha Iruo Akpọ-Soso Mai na Haro?

Nepal

Togo

Britain

Ukoko mai u bi kere jẹ be rehọ Ebaibol nọ i bu te ima buobu gbe ebe efa mai kẹ ahwo k’ukpe k’ukpe ababọ unuigho nọ ma bi se fihọ ai. Ma rẹ bọ Egwa Uvie gbe iwou ogha, jẹ rẹrote ae. Ukoko na o be rẹrote inievo buobu nọ i bi ru iruo evaọ Ebẹtẹle, imishọnare, je bi fi obọ họ kẹ inievo mai nọ okpẹtu o te oma. Ẹsejọ, o rẹ sai gbe owhẹ unu inọ, ‘Oghẹrẹ vẹ a be rọ ruẹ igho ru enana kpobi?’

Ma re bru azọhọ hayo ghoro umudo ho. Dede nọ o gwọlọ igho buobu re ma sae wha iruo usiuwoma ota mai na haro, ma rẹ yare igho ho. Bu vrẹ ikpe udhusoi nọ i kpemu, uvitha avivẹ orọ Uwou-Eroro Na o ta nọ, ma wo imuẹro inọ Jihova họ ọnọ ọ be tha omai uke gbe inọ ukoko mai o te “yare igho mi ahwo hayo lẹ ahwo re a fi obọ họ kẹ omai hi,” yọ ma ri ru ere gbe he.—Matiu 10:8.

Okẹ unevaze ma be rọ tha iruo mai uke. Ebaibol na gbe ebe mai nọ ma bi ro wuhrẹ ahwo uzẹme na o be were ahwo buobu, fikiere a bi ru unevaze rọ tha iruo mai uke. Mai Isẹri Jihova, ma be rehọ oke gbe ẹgba mai tha iruo nana uke, jẹ be rehọ igho gbe ekwakwa efa ro ru unevaze, re u fi obọ họ kẹ ahwo ru oreva Ọghẹnẹ evaọ otọakpọ na soso. (1 Iruẹru-Ivie 29:9) Evaọ Egwa Uvie mai, gbe okenọ ma bi ru ikokohọ, ma wo itehe unevaze nọ ohwo nọ u no eva ze o re ru unevaze fihọ. Ohwo ọ rẹ sae jọ oria evuẹ jw.org mai ru unevaze re. Ẹsibuobu, ahwo nọ a fe he a rẹ mai ru unevaze, wọhọ aye-uku nọ Jesu o jiri ziezi na, fikinọ o fi ibigho ivẹ fihọ etehe unevaze nọ o jọ etẹmpol na. (Luk 21:1-4) Fikiere, ohwo kpobi ọ rẹ sae ‘ruẹrẹ oware jọ kpahe’ nọ o re ro ru unevaze wọhọ epanọ “o roro evaọ eva riẹ.”—1  Ahwo Kọrint 16:2; 2 Ahwo Kọrint 9:7.

U mu omai ẹro inọ Jihova ọ te gbẹ kpọ idu ahwo nọ a wo evezi re a ‘rehọ eyero rai kẹe adhẹẹ’ rọ wha iruo Uvie na haro, jẹ rọ ere ru oreva riẹ gba.—Itẹ 3:9.

  • Eme ọ lẹliẹ ukoko mai wo ohẹriẹ no egagọ efa kpobi?

  • Eme a be rehọ okẹ unevaze mai na ru?