Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 6

Ẹvẹ Oma nọ Ma re Kugbe Ibe Ileleikristi O rẹ rọ Kẹ Omai Erere?

Ẹvẹ Oma nọ Ma re Kugbe Ibe Ileleikristi O rẹ rọ Kẹ Omai Erere?

Madagascar

Norway

Lebanon

Italy

O tẹ make gwọlọ nọ ma nya owhawho vrẹ hayo makọ uvo ogaga hayo oso, ma be hai kpohọ iwuhrẹ ukoko mai ghele. Ghelọ ebẹbẹ uzuazọ gbe elọhoma nọ e be hai no iruo okpẹdoke na ze, fikieme Isẹri Jihova a be rọ dawo ẹgba kpobi re a kuomagbe evaọ iwuhrẹ ukoko rai?

Omakugbe kẹ egagọ u re fi obọ họ kẹ omai riẹ ẹgwọlọ ohwohwo. Nọ Pọl o je kere kpahe ibe Ileleikristi mai nọ ma re kuomagbe evaọ ukoko na, ọ ta nọ: “Ohwo o he roro epanọ ọ rẹrọ jaja ọrivẹ riẹ oma.” (Ahwo Hibru 10:24) Ẹme nana o dhesẹ nọ ma rẹ daoma riẹ ohwohwo ziezi. Fikiere, ẹme Pọl na o be tuduhọ omai awọ inọ ma riẹ ẹgwọlọ amọfa nọ e rrọ ukoko na. Ma tẹ be daoma riẹ ibe Ileleikristi mai ziezi, u re fi obọ họ kẹ omai ruẹ nọ ejọ rai a fi ebẹbẹ jọ nọ ma bi lele muabọ kparobọ no, yọ a rẹ sai dhesẹ oghẹrẹ nọ ma sai ro fi ebẹbẹ itieye na kparobọ kẹ omai.

Omakugbe kẹ egagọ o rẹ bọ usu mai kugbe ohwohwo ga. Evaọ iwuhrẹ ukoko mai, ahwo nọ ma bi kuomagbe orọnikọ yọ egbẹrioma jọ gheghe he, rekọ uvi egbẹnyusu mai. Yọ evaọ ẹsejọ, ma re kuomagbe kẹ arozaha ẹkeriotọ nọ o fo kẹ Ileleikristi. Irere jọ vẹ i re no oghẹrẹ omakugbe utionana ze? U re fi obọ họ kẹ omai rri ohwohwo ghaghae, jẹ bọ uyoyou nọ o rrọ udevie mai ga. Yọ usu okpekpe nọ o rrọ udevie mai o rẹ wọ omai dhogbo bru ohwohwo evaọ okenọ ejọ evaọ usu mai a tẹ rẹriẹ ovao dhe ebẹbẹ. (Itẹ 17:17) Oma nọ ma re kugbe inievo ukoko na evaọ ẹsikpobi u re dhesẹ nọ ma be ‘sẹro ohwohwo.’—1 Ahwo Kọrint 12:25, 26.

Ma be tuduhọ owhẹ awọ inọ salọ egbẹnyusu evaọ udevie ahwo nọ a bi ru oreva Ọghẹnẹ. Whọ te jọ udevie Isẹri Jihova ruẹ oghẹrẹ egbẹnyusu itieye na. Ma lẹ nọ who ru re oware jọ o whaha owhẹ oma nọ who re kugbe omai hi.

  • Fikieme o jẹ roja re ma kuomagbe ibe Ileleikristi evaọ iwuhrẹ ukoko mai?

  • Oke vẹ who ti wo uvẹ nọ whọ sai ro kpohọ iwuhrẹ ukoko mai?