Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 18

Ẹvẹ Ma Sai ro Fi Obọ Họ Kẹ Inievo Mai nọ Okpẹtu Ọ Via Kẹ?

Ẹvẹ Ma Sai ro Fi Obọ Họ Kẹ Inievo Mai nọ Okpẹtu Ọ Via Kẹ?

Dominican Republic

Japan

Haiti

Nọ okpẹtu ọ tẹ via, Isẹri Jihova a re ru ọruẹrẹfihọ kpata kpata re a fi obọ họ kẹ inievo nọ okpẹtu ọ via kẹ na. Obufihọ utionana u re dhesẹ uvi uyoyou nọ ma wo kẹ ohwohwo via. (Jọn 13:34, 35; 1 Jọn 3:17, 18) Idhere sa-sa vẹ ma re ro fi obọ họ?

Ma rẹ rọ igho ru unevaze. Okenọ ohọo ulogbo u mu evaọ Judia, Ileleikristi ikpe-udhusoi ọsosuọ nọ e jọ Antiọk a vi igho se ibe Ileleikristi rai evaọ Judia ro fi obọ họ kẹ ae. (Iruẹru Ikọ Na 11:27-30) Epọvo na re, nọ okpẹtu ọ tẹ via kẹ inievo mai nọ e rrọ ofẹ jọ akpọ na, ma re ru unevaze evaọ ukoko nọ ma rrọ, re a sai vi eware se inievo nọ okpẹtu ọ via kẹ na.—2 Ahwo Kọrint 8:13-15.

Ma rẹ rọ oma mai fi obọ họ re. Ekpako ukoko nọ e rrọ okegbe nọ okpẹtu ọ jọ via, a rẹ gwọlọ inievo nọ e rrọ ukoko na re a ruẹ nọ aikpobi a gba unu. Ogbẹgwae ogbodhẹ a re ru ọruẹrẹfihotọ re a rọ emuore, ame, gbe iwu kẹ inievo na, jẹ ruẹrẹ oria fihọ nọ a rẹ jọ, a vẹ jẹ rẹrote enọ e gwọlọ usiwo. Inievo buobu nọ i wo onaa sa-sa, a be fialoma via re a fi obọ họ bọ iwou inievo na gbe Egwa Uvie sa-sa, yọ a bi ru onana evaọ araha obọrai. Okugbe nọ ma wo evaọ ukoko na gbe onaa sa-sa nọ ma wuhrẹ mi ohwohwo fikinọ ma bi ru eware kugbe, o be lẹliẹ omai ruẹ eware gbe inievo nọ e rẹ sae dhogbo evaọ oke okpẹtu. Dede nọ inievo mai nọ ma gbẹ rrọ “orọwọ” ovona ma be mai fi obọ họ kẹ, ma re fi obọ họ kẹ amọfa nọ a rrọ egagọ efa re.—Ahwo Galesha 6:10.

Ma rẹ rọ eme Ebaibol na tuduhọ ahwo nọ okpẹtu ọ via kẹ awọ. Ahwo nọ okpẹtu ọ via kẹ a ginẹ mae gwọlọ omosasọ. Evaọ oke utioye na, ma re wo omosasọ no obọ Jihova ze, “Ọghẹnẹ omosasọ kpobi” na. (2 Ahwo Kọrint 1:3, 4) Ma rẹ rọ eyaa Ebaibol na tuduhọ ahwo nọ a rrọ ọkora awọ, jẹ sasa ae oma inọ kẹle na, Uvie Ọghẹnẹ u ti si eware nọ e be wha edada gbe uye-oruẹ kpobi no.—Eviavia 21:4.

  • Fikieme Isẹri Jihova a be rọ fialoma via kpata kpata nọ okpẹtu ọ tẹ romavia?

  • Eme ọ uduotahawọ vẹ ma rẹ ta rono Ebaibol na ze kẹ ahwo nọ okpẹtu ọ via kẹ?