Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 4

Eme Ọ Lẹliẹ Omai Wo Ebaibol New World Translation Na?

Eme Ọ Lẹliẹ Omai Wo Ebaibol New World Translation Na?

Congo (Kinshasa)

Rwanda

Ikere Symmachus nọ a kiẹ via, onọ a rẹ jọ ruẹ odẹ-oma Ọghẹnẹ evaọ Olezi 69:31, evaọ ikpe-udhusoi avesa hayo ọrọ avene  C.E.

Evaọ ikpe buobu, mai Isẹri Jihova ma rọ ijini kere Ebaibol sa-sa nọ amọfa a fa, yọ Ebaibol eyena ma je se. Rekọ nọ u te okejọ, ma tẹ ruẹ nọ o gwọlọ nọ ma rẹ fa Ebaibol na fihọ oghẹrẹ nọ o te mai ro fi obọ họ kẹ ahwo wo otoriẹ eriariẹ egbagba Ọghẹnẹ, re a sae “riẹ uzẹme na,” keme ere Ọghẹnẹ ọ gwọlọ. (1 Timoti 2:3, 4) Fikiere, evaọ ukpe 1950 ma te mu abọ sa-sa ọrọ Ebaibol New World Translation of the Holy Scriptures nọ a fa lọlọhọ na họ esiobọno. A fa Ebaibol nana gbagba fihọ evẹrẹ nọ i bu vi udhusoi gbe ọgba (130) no nẹnẹ.

O gwọlọ Ebaibol nọ eme riẹ e rẹ lọhọ ese, a ve je wo otoriẹ riẹ. N’oke ruoke, eme ẹvẹrẹ i re nwene, yọ eme itieye na jọ nọ i kiekpo no e rrọ efafa Ebaibol sa-sa, onọ u bi ru ei bẹbẹ re ahwo a sai wo otoriẹ Ebaibol na ziezi. Ofariẹ, a kiẹ iko-ebe anwae jọ nọ a kere eme Ebaibol fihọ via, enọ e mae rrọ gbagba vi ejọ nọ a rọ fa Ebaibol sa-sa, yọ iko-ebe nana i fi obọ họ kẹ omai wo otoriẹ eme Hibru, Aremia, gbe Griki nọ a kaki ro kere Ebaibol na.

O gwọlọ Ebaibol nọ a rẹ fa ẹme Ọghẹnẹ fihọ gbagba. O gwọlọ inọ ahwo nọ e be fa Ebaibol a rẹ nya lele ikere ọsosuọ nọ a kaki ro kere Ebaibol na gbagba, orọnikọ a rẹ rọ udu obọrai nwene eme nọ Ọghẹnẹ ọ rọ ẹkwoma ẹzi riẹ kere no ho. Rekọ evaọ efafa Ebaibol buobu, a si odẹ-oma Ọghẹnẹ na, Jihova, no ai no.

O gwọlọ Ebaibol nọ o rẹ rọ orro kẹ ọnọ o wo eme riẹ. (2 Samuẹle 23:2) A zihe odẹ na Jihova fihọ Ebaibol New World Translation na evaọ eria nọ i bu te idu ihrẹ (7,000) nọ odẹ na o jọ romavia evaọ iko-ebe Ebaibol nọ e mai kri kpaobọ, wọhọ epanọ a jọ uwoho nọ o rrọ obọto dhesẹ na. (Olezi 83:18) Fikinọ a romatotọ ru ekiakiẹ evaọ ikpe buobu taure a tẹ te fa Ebaibol New World Translation na, o rẹ weroma nọ who te bi sei keme u dhesẹ oreva Ọghẹnẹ vevẹ. Te a fa Ebaibol New World Translation na fihọ ẹvẹrẹ ra no hayo a re fae fihọ iẹe he, ma be tuduhọ owhẹ awọ inọ, ru ei fihọ uruemu ra re whọ hai se Ẹme Jihova k’ẹdẹ k’ẹdẹ.—Joshua 1:8; Olezi 1:2, 3.

  • Fikieme ma rọ jiroro nọ ma rẹ fa Ebaibol na no iko-ebe anwae ze fihọ New World Translation?

  • Eme u fo nọ ohwo kpobi nọ ọ gwọlọ wuhrẹ kpahe oreva Ọghẹnẹ o re ru k’ẹdẹ k’ẹdẹ?